കേരളത്തിന്റെ പേര് ഇനി ഔദ്യോഗികമായി ‘കേരളം’; പേരുമാറ്റ ബില്ലിന് രാഷ്ട്രപതിയുടെ അംഗീകാരം
ന്യൂഡൽഹി: സംസ്ഥാനത്തിന്റെ ഔദ്യോഗിക പേര് ‘കേരളം’ എന്നാക്കി മാറ്റുന്നതിനുള്ള കേരള (പേരുമാറ്റം) ബിൽ, 2026ന് രാഷ്ട്രപതി ദ്രൗപദി മുർമു അംഗീകാരം നൽകി. ഇതോടെ ബിൽ നിയമമായി മാറി.
പാർലമെന്റിന്റെ ഇരുസഭകളും ബിൽ നേരത്തെ പാസാക്കിയിരുന്നു. ഭരണഘടനയുടെ ഒന്നാം പട്ടികയിൽ ‘Kerala’ എന്നതിന് പകരം ‘Keralam’ എന്ന് രേഖപ്പെടുത്തുന്നതിനുള്ള ഭേദഗതിയാണ് നിയമത്തിലൂടെ വരുന്നത്.
കേരള നിയമസഭ 2024ൽ സംസ്ഥാനത്തിന്റെ പേര് ‘കേരളം’ എന്നാക്കി മാറ്റണമെന്ന് ആവശ്യപ്പെട്ട് പ്രമേയം പാസാക്കിയിരുന്നു. തുടർന്ന് കേന്ദ്ര സർക്കാർ നടപടികൾ സ്വീകരിക്കുകയും പാർലമെന്റിന്റെ അംഗീകാരത്തിന് ശേഷം രാഷ്ട്രപതിയുടെ അനുമതി ലഭിക്കുകയുമായിരുന്നു.
പേരുമാറ്റം പ്രാബല്യത്തിൽ വന്നതോടെ കേന്ദ്ര-സംസ്ഥാന സർക്കാരുകളുടെ ഔദ്യോഗിക രേഖകൾ, ഭരണ സംവിധാനങ്ങൾ, സൈൻബോർഡുകൾ എന്നിവയിൽ ആവശ്യമായ മാറ്റങ്ങൾ ഘട്ടംഘട്ടമായി നടപ്പാക്കും. ഭരണഘടനാപരമായി സംസ്ഥാനത്തിന്റെ പേര് ‘കേരളം’ എന്നായിരിക്കും ഔദ്യോഗികമായി ഉപയോഗിക്കുക.
Tags
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.