20-ാമത് ഏഷ്യൻ ഗെയിംസിന് ജപ്പാനിൽ തുടക്കം; പതാകയേന്തി മനു ഭാക്കറും പവൻ സെഹ്രാവത്തും
നാഗോയ: ജപ്പാനിലെ ഐച്ചി-നാഗോയയിൽ 20-ാമത് ഏഷ്യൻ ഗെയിംസിന് പ്രൗഢഗംഭീരമായ തുടക്കം. പാലോമ മിസുഹോ പാർക്ക് അത്ലറ്റിക് സ്റ്റേഡിയത്തിൽ നടന്ന ചടങ്ങിൽ ജപ്പാൻ ചക്രവർത്തി നറുഹിതോ ഏഷ്യൻ ഗെയിംസ് ഔദ്യോഗികമായി ഉദ്ഘാടനം ചെയ്തു.
ചടങ്ങിൽ ജപ്പാൻ ചക്രവർത്തി നറുഹിതോയോടൊപ്പം പത്നി മസാകോ, കിരീടാവകാശി പ്രിൻസ് അക്കിഷിനോ, ഒളിമ്പിക് കൗൺസിൽ ഓഫ് ഏഷ്യ പ്രസിഡന്റ് ഷെയ്ഖ് ജോആൻ ബിൻ ഹമദ് അൽ ഥാനി തുടങ്ങിയ പ്രമുഖർ പങ്കെടുത്തു. കൈക്കോ ടോഡ അവതരിപ്പിച്ച ജാപ്പനീസ് ദേശീയ ഗാനാലാപനത്തോടെയും ആകാശത്ത് 'ബ്ലൂ ഇംപൾസ്' വിമാനങ്ങളുടെ അഭ്യാസപ്രകടനത്തോടെയുമാണ് ചടങ്ങുകൾ ആരംഭിച്ചത്. ഐച്ചി പ്രവിശ്യാ ഗവർണർ ഒമുറ ഹിഡെആക്കി ചടങ്ങിൽ സംസാരിച്ചു.
36 കായിക ഇനങ്ങളിലായി 503 കായികതാരങ്ങളാണ് ഇത്തവണ ഇന്ത്യയെ പ്രതിനിധീകരിക്കുന്നത്. അഫ്ഗാനിസ്താൻ ആദ്യ ടീമായി അണിനിരന്ന മാർച്ച് പാസ്റ്റിൽ ഷൂട്ടിങ് താരം മനു ഭാക്കറും കബഡി താരം പവൻ സെഹ്രാവത്തുമാണ് ഇന്ത്യൻ പതാകയേന്തിയത്.
അതേസമയം, ഔദ്യോഗിക ജേഴ്സിയും കിറ്റുകളും ലഭിക്കാൻ വൈകിയതിനെ തുടർന്ന് ചില ഇന്ത്യൻ അത്ലറ്റുകൾക്ക് മാർച്ച് പാസ്റ്റിൽ പങ്കെടുക്കാൻ സാധിച്ചില്ല. ജെ.എസ്.ഡബ്ല്യു സ്പോർട്സിന്റെ ഭാഗത്തുനിന്നുണ്ടായ കിറ്റ് വിതരണത്തിലെ വീഴ്ചയെ തുടർന്ന്, മുൻപ് നിശ്ചയിച്ചിരുന്ന ഷൂട്ട്പുട്ട് താരം തജീന്ദർപാൽ സിങ്ങിന് പകരം പവൻ സെഹ്രാവത്തിനെ പതാകവാഹകനായി അവസാന നിമിഷം തിരഞ്ഞെടുക്കുകയായിരുന്നു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.