ഖാർഗെയ്ക്ക് നേരിട്ട ജാതി അധിക്ഷേപം: സ്വാതന്ത്ര്യദിന സന്ദേശത്തിൽ കേന്ദ്രത്തിനെതിരെ ആഞ്ഞടിച്ച് മുഖ്യമന്ത്രി വി.ഡി. സതീശൻ
സ്വാതന്ത്ര്യദിന സന്ദേശത്തിനിടെ രാജ്യത്ത് നിലനിൽക്കുന്ന ജാതി വിവേചനത്തിനും വംശീയ അധിക്ഷേപങ്ങൾക്കുമെതിരെ കടുത്ത ഭാഷയിൽ വിമർശനമുന്നയിച്ച് മുഖ്യമന്ത്രി വി.ഡി. സതീശൻ. ജീവിതകാലം മുഴുവൻ രാജ്യത്തിനായി രാഷ്ട്രീയ പ്രവർത്തനം നടത്തിയ ഒരു മുതിർന്ന നേതാവിന് പോലും സ്വന്തം ജാതിയുടെ പേരിൽ അപമാനം നേരിടേണ്ടി വരുന്നത് അതീവ വേദനാജനകമാണെന്ന് അദ്ദേഹം പറഞ്ഞു.
എഐസിസി അധ്യക്ഷൻ മല്ലികാർജുൻ ഖാർഗെയ്ക്ക് അടുത്തിടെ നേരിടേണ്ടി വന്ന അധിക്ഷേപകരമായ സംഭവമാണ് വി.ഡി. സതീശൻ തന്റെ സന്ദേശത്തിൽ പ്രധാനമായും പരാമർശിച്ചത്. മുൻകൂട്ടി തയ്യാറാക്കി അച്ചടിച്ച പ്രസംഗത്തിൽ ഉൾപ്പെടാതിരുന്ന ഈ വിഷയം, രാജ്യത്തെ നിലവിലെ സാമൂഹികാവസ്ഥ ചൂണ്ടിക്കാണിക്കാൻ അദ്ദേഹം പ്രത്യേകം എടുത്തുപറയുകയായിരുന്നു.
കഴിഞ്ഞ ശനിയാഴ്ച മല്ലികാർജുൻ ഖാർഗെ പ്രസംഗിച്ചു മടങ്ങിയ വേദി, 'ശ്രീറാം സേന ധർമ്മാർത്ഥ് സേവ ന്യാസ്' എന്ന സംഘടനയുടെ നേതൃത്വത്തിൽ ശുദ്ധീകരണ ചടങ്ങുകൾ നടത്തിയത് വലിയ വിവാദമായിരുന്നു. ജാതി വെറിയുടെ ഭാഗമായി നടന്ന ഈ സംഭവത്തെ ചൂണ്ടിക്കാട്ടിയാണ്, ഇന്നും ഇത്തരം അനാചാരങ്ങളും വിവേചനങ്ങളും സമൂഹത്തിൽ നിലനിൽക്കുന്നത് ജനാധിപത്യത്തിന് ഭീഷണിയാണെന്ന് മുഖ്യമന്ത്രി ഓർമ്മിപ്പിച്ചത്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.