വിജയ് മുഖ്യമന്ത്രിയായ ശേഷമുള്ള ആദ്യ സ്വാതന്ത്ര്യദിനം, വേദിയിൽ തൃഷയും
ചെന്നൈ: തമിഴ് സൂപ്പർതാരം കൂടിയായ ടിവികെ നേതാവ് വിജയ് മുഖ്യമന്ത്രിയായ ശേഷമുള്ള ആദ്യ സ്വാതന്ത്ര്യദിനാഘോഷ പരിപാടിയിൽ നടി തൃഷയും പങ്കെടുത്തു. ചെന്നൈയിലെ സെന്റ് ജോർജ് കോട്ടയിൽ നടന്ന ചടങ്ങിലാണ് തൃഷ സന്നിഹിതയായത്. വിജയിയുടെ കുടുംബാംഗങ്ങളും പരിപാടിയിൽ പങ്കെടുത്തിരുന്നു.
വിശിഷ്ടാതിഥികൾക്കായി ഒരുക്കിയ മുൻനിരയിൽ വിജയിയുടെ മാതാപിതാക്കളും ഇരിപ്പിടം സ്വീകരിച്ചിരുന്നു. വിജയിയുടെ പിതാവിന്റെ വലതുവശത്തായാണ് തൃഷയ്ക്ക് ഇരിപ്പിടം ഒരുക്കിയത്. ചടങ്ങിനെത്തിയ തൃഷ ആദ്യം വിജയിയുടെ മാതാപിതാക്കളെ അഭിവാദ്യം ചെയ്ത ശേഷം അദ്ദേഹത്തിന്റെ പിതാവിനരികിൽ ഇരിക്കുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
ദേശീയ പതാക ഉയർത്തിയ മുഖ്യമന്ത്രി വിജയ് തുടർന്ന് പരേഡിന് അഭിവാദ്യം അർപ്പിക്കുകയും സ്വാതന്ത്ര്യദിന സന്ദേശം നൽകുകയും ചെയ്തു.
തമിഴ്നാടിനെ അഴിമതിമുക്ത സംസ്ഥാനമാക്കി മാറ്റുന്നതിനായി ടിവികെ സർക്കാർ മിഷൻ മോഡിൽ പ്രവർത്തിക്കുകയാണെന്ന് വിജയ് സന്ദേശത്തിൽ പറഞ്ഞു. ഈ ലക്ഷ്യം കൈവരിക്കുന്നതിന് ഉദ്യോഗസ്ഥരുടെയും ജനങ്ങളുടെയും സഹകരണം അനിവാര്യമാണെന്നും അദ്ദേഹം അഭ്യർഥിച്ചു. അഴിമതിക്കെതിരായ പോരാട്ടത്തിൽ എല്ലാവരും ഒരുമിച്ച് പ്രവർത്തിക്കണമെന്നും വിജയ് ആവശ്യപ്പെട്ടു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.