Delhi Ashram Swami Chaitanyananda Saraswati case| ഡല്‍ഹിയിലെ വസന്ത് കുഞ്ജ് മഠാധിപതി പീഢന പരാതിയെ തുടര്‍ന്ന് ഒളിവില്‍; പുറത്താക്കിയെന്ന് ശൃംഗേരി മഠം ; സന്യാസിയുടെ നയതന്ത്ര നമ്പര്‍ പ്‌ളേറ്റ് പതിച്ച കാര്‍ കണ്ടെത്തി

തെക്കന്‍ ഡല്‍ഹിയിലെ വസന്ത് കുഞ്ജിലെ പ്രമുഖ ആശ്രമത്തിന്റെ തലവനായ സ്വാമി ചൈതന്യാനന്ദ സരസ്വതിയ്ക്ക് എതിരേ ലൈംഗിക പീഢന പരാതി. പതിനഞ്ചിലേറെ വനിതകളാണ് പരതി നല്‍കിയിരിക്കുന്നത് . ഇതോടെ ഇയാള്‍ ഒളിവിലാണ്. ശ്രീ ശൃംഗേരി മഠം ഭരണകൂടം സ്വാമി ചൈതന്യാനന്ദ സരസ്വതിയെ ഡയറക്ടര്‍ സ്ഥാനത്ത് നിന്ന് നീക്കി. പ്രതി ഡയറക്ടറായി സേവനമനുഷ്ഠിച്ച ശ്രീ ശാരദ ഇന്‍സ്റ്റിറ്റ്യൂട്ട് ഓഫ് ഇന്ത്യന്‍ മാനേജ്മെന്റില്‍ ഇഡബ്ല്യുഎസ് സ്‌കോളര്‍ഷിപ്പുകളില്‍ ബിരുദാനന്തര ഡിപ്ലോമ ഇന്‍ മാനേജ്മെന്റ് (പിജിഡിഎം) കോഴ്സുകള്‍ പഠിക്കുന്ന കുട്ടികളാണ് പരാതിക്കാര്‍. അന്വേഷണത്തിനിടെ, 32 വനിതാ വിദ്യാര്‍ത്ഥികളുടെ മൊഴികള്‍ രേഖപ്പെടുത്തിയിട്ടുണ്ട്, അതില്‍ 17 പേര്‍ക്ക് അധിക്ഷേപകരമായ ഭാഷ, അശ്ലീല വാട്ട്സ്ആപ്പ്, ടെക്സ്റ്റ് സന്ദേശങ്ങള്‍, പ്രതികള്‍ അനാവശ്യമായി ശാരീരികമായി ബന്ധപ്പെടലിനുള്ള പ്രേരണ എന്നിവ നടത്തിയതായി ആരോപിക്കപ്പെടുന്നു. സ്വാമി പാര്‍ത്ഥസാരഥി എന്നറിയപ്പെട്ടിരുന്ന ചൈതന്യാനന്ദ സരസ്വതിക്കെതിരെ ക്രിമിനല്‍ കുറ്റം ചുമത്തുന്നത് ഇതാദ്യമല്ല. 2009 ല്‍ ഡിഫന്‍സ് കോളനിയില്‍ വഞ്ചനയ്ക്കും ലൈംഗിക പീഡനത്തിനും കേസെടുത്തിരുന്നു. പിന്നീട് 2016 ല്‍ വസന്ത് കുഞ്ചിലെ ഒരു സ്ത്രീ ഇയാള്‍ക്കെിരേ പീഡന പരാതിയും നല്‍കിയിരുന്നു. പോലീസ് പറയുന്നതനുസരിച്ച്, ഒഡീഷയില്‍ നിന്നുള്ള വ്യക്തിയാണിയാള്‍. ചൈതന്യാനന്ദ സരസ്വതി 12 വര്‍ഷമായി ആശ്രമത്തിലുണ്ട്. സ്വാമി പാര്‍ത്ഥസാരഥി എന്നറിയപ്പെട്ടിരുന്ന സ്വാമി ചൈതന്യാനന്ദ സരസ്വതി നിയമവിരുദ്ധവും അനുചിതവുമായ പ്രവര്‍ത്തനങ്ങളില്‍ ഏര്‍പ്പെട്ടിട്ടുള്ളതായി മഠത്തിന് വിവരം ലഭിച്ചിരിക്കുന്നു. അതിനാല്‍ സ്വാമി ചൈതന്യാനന്ദ സരസ്വതി നടത്തിയ നിയമവിരുദ്ധ പ്രവൃത്തികള്‍ സംബന്ധിച്ച് ബന്ധപ്പെട്ട അധികാരികള്‍ക്ക് പരാതി നല്‍കിയിട്ടുണ്ട്. ശൃംഗേരി പീഠം അദ്ദേഹവുമായുള്ള എല്ലാ ബന്ധങ്ങളും വിച്ഛേദിക്കുന്നു എന്നാണ് മഠത്തിന്റെ വിശദീകരണം. ചൈതന്യാനന്ദ സരസ്വതി ഓഫീസ് സംവിധാനങ്ങള്‍ ദുരുപയോഗപ്പെടുത്തിയതായും വിവരമുണ്ട്. കുട്ടികളേയും ഫാക്കല്‍റ്റികളേയും ബ്ലാക്ക് മെയില്‍ ചെയ്യുകയും ഭീഷണിപ്പെടുത്തുകയും ചെയ്തതായും ആരോപണമുണ്ട്. കൂടാതെ അഡ്മിനിസ്‌ട്രേറ്റര്‍മാരെ പ്രതിയുടെ ആവശ്യങ്ങള്‍ നിറവേറ്റാന്‍ പ്രേരിപ്പിക്കുകയും സമ്മര്‍ദ്ദം ചെലുത്തുകയും ചെയ്തതായും പരാതിയില്‍ പറയുന്നു. പോലീസ് മൂന്ന് സ്ത്രീകളെ ചോദ്യം ചെയ്തപ്പോള്‍, സ്വാമി പിടിക്കപ്പെട്ടാല്‍ മാത്രമേ കേസില്‍ അവരുടെ പൂര്‍ണ്ണ പങ്ക് വെളിപ്പെടുത്തൂ എന്ന നിലപാടാണ് സ്വീകരിച്ചിരിക്കുന്നത്. പോലീസിന്റെ കൈവശമുള്ള ഹാര്‍ഡ് ഡിസ്‌കുകളും ഒരു വീഡിയോ റെക്കോര്‍ഡറും ഫോറന്‍സിക് വിശകലനത്തിനായി അയച്ചിട്ടുണ്ട്. അന്വേഷണത്തിനിടെ, വ്യാജ യുഎന്‍ നമ്പര്‍ പ്ലേറ്റ് പതിച്ച ഒരു വോള്‍വോ കാര്‍ ശ്രീ ശാരദ ഇന്‍സ്റ്റിറ്റ്യൂട്ട് ഓഫ് ഇന്ത്യന്‍ മാനേജ്മെന്റിന്റെ ബേസ്മെന്റില്‍ പാര്‍ക്ക് ചെയ്ത നിലയില്‍ കണ്ടെത്തി. പരിശോധനയില്‍, കാര്‍ ഉപയോഗിച്ചത് സ്വാമി ചൈതന്യാനന്ദ് സരസ്വതിയാണെന്ന് കണ്ടെത്തി. അദ്ദേഹത്തിന് നയതന്ത്ര നമ്പര്‍ പ്ലേറ്റ് എങ്ങനെ ലഭിച്ചു എന്നതിനെക്കുറിച്ചും അന്വേഷണം നടക്കുന്നു. പ്രതിയുടെ അവസാന സ്ഥലം ആഗ്രയിലേക്ക് പോലീസ് നിരീക്ഷിച്ചിട്ടുണ്ടെങ്കിലും, പ്രതി നിരന്തരം സ്ഥലം മാറ്റിക്കൊണ്ടിരിക്കുകയായിരുന്നുവെന്നും മൊബൈല്‍ ഫോണ്‍ ഉപയോഗിക്കുന്നത് വളരെ അപൂര്‍വമാണെന്നും പോലീസ് പറഞ്ഞു.