Kerala | dontmiss

'വാർത്ത കണ്ടപ്പോൾ അമ്മയെ ഓർത്തുപോയി' ; അരിതയ്ക്ക് കെട്ടിവയ്ക്കാനുള്ള തുക നല്‍കുമെന്ന് സലീംകുമാര്‍

Jaihind TV News Report

Jaihind TV Web Desk

March 14, 2021

1 min read • Updated: June 06, 2026

SAVE: Login to save

'വാർത്ത കണ്ടപ്പോൾ അമ്മയെ ഓർത്തുപോയി' ; അരിതയ്ക്ക് കെട്ടിവയ്ക്കാനുള്ള തുക നല്‍കുമെന്ന് സലീംകുമാര്‍

കൊച്ചി : കോണ്‍ഗ്രസ് പട്ടികയിലെ ഏറ്റവും പ്രായംകുറഞ്ഞ സ്ഥാനാര്‍ത്ഥി അരിതാ ബാബുവിന് തെരഞ്ഞെടുപ്പില്‍ കെട്ടിവയ്ക്കാനുള്ള തുക നല്‍കുമെന്ന് നടന്‍ സലീംകുമാര്‍. ഹൈബി ഈഡന്‍ എം.പിയെയാണ് അദ്ദേഹം ഇക്കാര്യം അറിയിച്ചത്. തന്‍റെ അമ്മ ഏറെ ബുദ്ധിമുട്ടി കൂലിവേലയ്ക്ക് പോയാണ് തന്നെ പഠിപ്പിച്ചതെന്നും അരിതയുടെ വാർത്ത കണ്ടപ്പോൾ അമ്മയെ ഓർത്തു പോയെന്നും സലീംകുമാർ പറഞ്ഞു. കായംകുളത്ത് പ്രചാരണത്തിനെത്താമെന്നും അദ്ദേഹം പറഞ്ഞു. പശുവിനെ വളർത്തി പാൽ വിറ്റ് കുടുംബം പോറ്റുന്ന അരിതയുടെ ജീവിത കഥ ഹൃദയ ഭേദകമാണ്. അത്‌ കൊണ്ടൊക്കെ തന്നെയാണ് ഇന്ത്യൻ നാഷണൽ കോൺഗ്രസിന്‍റെ സ്ഥാനാർഥി പട്ടിക കൂടുതൽ മികവുറ്റതാകുന്നതെന്ന് ഹൈബി ഈഡന്‍ എം.പിയും ഫേസ്ബുക്കില്‍ കുറിച്ചു. ഹൈബി ഇഡന്‍ എം.പിയുടെ ഫേസ്ബുക്ക് കുറിപ്പ്

നടൻ സലീം കുമാർ ഫോണിൽ ബന്ധപ്പെട്ടിരുന്നു. കായം കുളത്തെ യുഡിഎഫ് സ്ഥാനാർഥി അരിത ബാബു വിനെ പറ്റി ചോദിച്ചു. പശുവിനെ വളർത്തി പാൽ വിറ്റ് കുടുംബം പോറ്റുന്ന അരിതയുടെ ജീവിത കഥ ഹൃദയ ഭേദകമാണ്. അത്‌ കൊണ്ടൊക്കെ തന്നെയാണ് ഇന്ത്യൻ നാഷണൽ കോൺഗ്രസിന്റെ സ്ഥാനാർഥി പട്ടിക കൂടുതൽ മികവുറ്റതാകുന്നത്.

തന്റെ അമ്മ ഏറെ ബുദ്ധിമുട്ടി കൂലിവേലയ്ക്ക് പോയാണ് തന്നെ പഠിപ്പിച്ചതെന്നും അരിതയുടെ വാർത്ത കണ്ടപ്പോൾ അമ്മയെ ഓർത്തു പോയെന്നും സലീംകുമാർ പറഞ്ഞു.തിരഞ്ഞെടുപ്പിൽ മത്സരിക്കാൻ അരിതയ്ക്ക് കെട്ടി വയ്ക്കാനുള്ള തുക നൽകാമെന്നും കായംകുളത്ത് പ്രചാരണത്തിനെത്താമെന്നും സലീം കുമാർ അറിയിച്ചിട്ടുണ്ട്. അദ്ദേഹത്തിന്റെ നല്ല മനസിന് നന്ദി. അരിത ബാബുവിന് ഹൃദയം നിറഞ്ഞ വിജയാശംസകൾ.