ആരാധകർക്ക് സന്തോഷവാർത്തയുമായി ഋഷഭ് ഷെട്ടി, കാന്താരയുടെ മൂന്നാം ഭാഗത്തിന്റെ തിരക്കഥയും തുടങ്ങി
നടനും സംവിധായകനുമായ ഋഷഭ് ഷെട്ടിയുടെ 'കാന്താര: ചാപ്റ്റർ വണ്ണും തുടർന്ന് വന്ന 'കാന്താര' ഫ്രാഞ്ചൈസിയുടെ ഭാഗമായുള്ള മറ്റൊരു ചിത്രവും ബോക്സ് ഓഫീസ് വിജയമായിരുന്നു. ഇപ്പോളിതാ ‘കാന്താര’ ആരാധകരെ ആവേശത്തിലാഴ്ത്തുന്ന പുതിയ പ്രഖ്യാപനവുമായി റിഷഭ് ഷെട്ടി രംഗത്ത് . ‘കാന്താര: ചാപ്റ്റർ 2’ ന്റെ നിർമ്മാണ പ്രവർത്തനങ്ങൾ പുരോഗമിക്കുന്നതിനിടെയാണ്, ഫ്രാഞ്ചൈസിയുടെ മൂന്നാം ഭാഗത്തിനായുള്ള തിരക്കഥാ വികസനവും ആരംഭിച്ചുവെന്ന് അദ്ദേഹം പറഞ്ഞത്. ഒരു പ്രമുഖ മാധ്യമത്തോട് സംസാരിക്കവെയാണ് അദ്ദേഹം ഈ സന്തോഷ വാർത്തവെളുപ്പെടുത്തിയത്. സംവിധാനം എന്നത് തന്റെ ജീവിതത്തിന്റെ അവിഭാജ്യ ഘടകമാണെന്നും, അതിൽ നിന്ന് വിട്ടുനിൽക്കാൻ കഴിയില്ലെന്നും , എഴുത്തുകാരുടെ ടീമിനൊപ്പം ‘കാന്താര: ചാപ്റ്റർ 2’ യുടെ കഥ വികസിപ്പിച്ചുകൊണ്ടിരിക്കുകയാണെന്നും അദ്ദേഹം വ്യക്തമാക്കി .
അതേസമയം, അഭിനയ രംഗത്ത് ബിഗ് ബജറ്റ് ചിത്രങ്ങളിൽ അഭിനയിക്കുന്ന തീരക്കിലാണ് ഋഷഭ് ഷെട്ടി . ‘ജയ് ഹനുമാൻ’, ‘ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്’ എന്നീ ബിഗ് ബജറ്റ് ചിത്രങ്ങളാണ് അടുത്തതായി ഇറങ്ങുന്ന ചിത്രങ്ങൾ. പ്രശാന്ത് വർമ്മ സംവിധാനം ചെയ്യുന്ന പാൻ-ഇന്ത്യൻ ചിത്രം ‘ജയ് ഹനുമാൻ’ എന്ന ചിത്രത്തിൽ ഹനുമാന്റെ വേഷത്തിലാണ് റിഷഭ് എത്തുന്നത് കൂടാതെ ചരിത്ര പശ്ചാത്തലത്തിലുള്ള ‘ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്’ എന്ന ചിത്രവും അദ്ദേഹത്തിന്റെ കരിയറിലെ ഏറ്റവും വലിയ പ്രോജക്ടുകളിലൊന്നാണ്
ഒരേസമയം ഒന്നിലധികം സിനിമകൾ ചെയ്യാൻ തനിക്ക് കഴിയില്ലെന്നും അതിനാൽ 'ജയ് ഹനുമാൻ' ആയിരിക്കും ആദ്യം വരുക എന്നും അതിനുശേഷം 'ദ പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്' എന്ന ചിത്രം ഇറങ്ങുമെന്നും അദ്ദേഹം വ്യക്തമാക്കി. ഈ രണ്ട് സിനിമകൾക്കും വ്യത്യസ്തമായ ലുക്കുകൾ ആവശ്യമാണെന്നും അദ്ദേഹം പറഞ്ഞു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.