കോഴിക്കോട്: മനുഷ്യന്റെ ചിന്തകളെ പോലും ചങ്ങലയ്ക്കിടുന്ന രീതിയിലുള്ള സാങ്കേതികവിദ്യയാണ് ഇന്നത്തെ കാലത്ത് വളർന്നുവരുന്നതെന്ന് മുഖ്യമന്ത്രി വി.ഡി. സതീശൻ. കോഴിക്കോട് ദേവഗിരി സി.എം.ഐ (CMI) പബ്ലിക് സ്കൂൾ ഓഡിറ്റോറിയത്തിന്റെ ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.
നിർമ്മിത ബുദ്ധി (AI) ആരോഗ്യ മേഖലയിൽ വിപ്ലവകരമായ മാറ്റങ്ങളാണ് കൊണ്ടുവരാൻ പോകുന്നതെന്ന് മുഖ്യമന്ത്രി ചൂണ്ടിക്കാട്ടി. സാങ്കേതികവിദ്യയുടെ ഈ മുന്നേറ്റത്തോടെ വരുംകാലങ്ങളിൽ മനുഷ്യന്റെ ആയുർദൈർഘ്യം 160 വയസ്സ് വരെയായി ഉയരാൻ സാധ്യതയുണ്ടെന്നും അദ്ദേഹം അഭിപ്രായപ്പെട്ടു.
ജീവിതത്തിലുണ്ടാകുന്ന പ്രതിസന്ധികളിൽ തളർന്നുപോകാതെ മുന്നോട്ട് പോകണമെന്നും, പഠനത്തെ വിരസമാക്കാതെ രസകരമായ ഒരനുഭവമാക്കി മാറ്റണമെന്നും മുഖ്യമന്ത്രി വിദ്യാർത്ഥികളോട് ആഹ്വാനം ചെയ്തു.
'വരുംകാലങ്ങളിൽ മനുഷ്യൻ 160 വയസ്സുവരെ ജീവിക്കും'; സാങ്കേതികവിദ്യയുടെ വളർച്ചയെയും പ്രതിസന്ധികളെയും കുറിച്ച് വിദ്യാർത്ഥികളോട് മുഖ്യമന്ത്രി