'പെന്ഷന് കൈപ്പറ്റിയ സര്ക്കാര് ജീവനക്കാരുടെ പേരുകള് എന്തുകൊണ്ട് പുറത്ത് വിടുന്നില്ല?, നടപടി സ്വീകരിക്കാത്തത് അദ്ഭുതകരം'; മുഖ്യമന്ത്രിക്ക് പ്രതിപക്ഷ നേതാവിന്റെ കത്ത്
Jaihind TV News Report
Jaihind TV Web Desk
December 01, 2024
1 min read
•
Updated: June 05, 2026
തിരുവനന്തപുരം: സര്വീസില് തുടരവെ സാമൂഹിക സുരക്ഷാ പെന്ഷന് കൈപ്പറ്റിയവരുടെ പേരു വിവരങ്ങള് സര്ക്കാര് പുറത്തുവിടണമെന്ന് ആവശ്യപ്പെട്ട് മുഖ്യമന്ത്രിക്കും ധനമന്ത്രിക്കും പ്രതിപക്ഷ നേതാവ് വി.ഡി സതീശന് കത്തു നല്കി. അല്ലാത്ത പക്ഷം സത്യസന്ധരായ ഉദ്യോഗസ്ഥര് കൂടി സംശയനിഴലിലാകും. സാമൂഹിക സുരക്ഷാ പെന്ഷന് ലിസ്റ്റില് അനര്ഹര് ഉള്പ്പെട്ടിട്ടുണ്ടെന്ന് 2023 സെപ്തംബറില് കംപ്ട്രോളര് ആന്റ് ഓഡിറ്റര് ജനറല് സമര്പ്പിച്ച റിപ്പോര്ട്ടിലും കണ്ടെത്തിയിരുന്നു. പരിഹാരനടപടികള് ഉടന് സ്വീകരിക്കുമെന്ന് 2022 മെയ് മാസത്തില് സര്ക്കാര് സിഎജിയെ അറിച്ചിരുന്നതുമാണ്. എന്നിട്ടും ഒരു നടപടിയും സ്വീകരിച്ചില്ലെന്നത് അദ്ഭുതകരമാണെന്നും പ്രതിപക്ഷ നേതാവ് ചൂണ്ടിക്കാട്ടി.
പ്രതിപക്ഷ നേതാവിന്റെ കത്ത് പൂര്ണരൂപത്തില്;
"ഗസറ്റഡ് റാങ്കിലുള്ളതടക്കം 1458 സര്ക്കാര് ഉദ്യോഗസ്ഥരും ആഡംബര കാറുകളുള്ള അതിസമ്പന്നരും സാമൂഹിക സുരക്ഷാ പെന്ഷന് വാങ്ങുന്നവരുടെ പട്ടികയില് ഉണ്ടെന്ന കണ്ടെത്തല് അതീവ ഗൗരവമുള്ളതാണ്. പാവപ്പെട്ട ജനങ്ങളുടെ അവകാശമായ സാമൂഹിക സുരക്ഷാ പെന്ഷന് ലിസ്റ്റില് അനര്ഹര് ഉള്പ്പെട്ടിട്ടുണ്ടെന്ന് 2023 സെപ്തംബറില് കംപ്ട്രോളര് ആന്റ് ഓഡിറ്റര് ജനറല് സമര്പ്പിച്ച റിപ്പോര്ട്ടിലും കണ്ടെത്തിയിരുന്നു. പരിഹാരനടപടികള് ഉടന് സ്വീകരിക്കുമെന്ന് 2022 മെയ് മാസത്തില് സര്ക്കാര് സിഎജിയെ അറിച്ചിരുന്നതുമാണ്. എന്നിട്ടും ഒരു നടപടിയും സ്വീകരിച്ചില്ലെന്നത് അദ്ഭുതകരമാണ്.
സര്ക്കാര് ശമ്പള സോഫടുവെയറായ സ്പാര്ക്കും സാമൂഹ്യ സുരക്ഷാ പെന്ഷന് സോഫടുവെയറായ സേവനയും ഒത്തു നോക്കിയാല് തന്നെ തട്ടിപ്പ് കണ്ടെത്താമായിരുന്നു. എന്നിട്ടും വിലപ്പെട്ട രണ്ടു വര്ഷമാണ് സര്ക്കാര് പാഴാക്കിയത്.
സര്വീസില് തുടരവെ സാമൂഹിക സുരക്ഷാ പെന്ഷന് കൈപ്പറ്റിയവരുടെ പേരു വിവരങ്ങള് സര്ക്കാര് പുറത്തുവിടണം. അല്ലാത്ത പക്ഷം സത്യസന്ധരായ ഉദ്യോഗസ്ഥര് കൂടി സംശയനിഴലിലാകും. ഇത്തരം ക്രമക്കേട് പുറത്തു വന്നത് സാമൂഹിക സുരക്ഷാ പെന്ഷന് വിതരണത്തെ ബാധിക്കരുത്. പെന്ഷന് കുടിശിക അടക്കം ഉടന് കൊടുത്തു തീര്ക്കണം. ഏതാനും സർക്കാർ ജീവനക്കാർ അനർഹമായ പെൻഷൻ കൈപ്പറ്റിയതിൽ ജീവനക്കാരെ ആകെ അധിക്ഷേപിക്കുന്ന സ്ഥിതി ഉണ്ടാകാൻ പാടില്ല. അവരുടെ ന്യായമായ അവകാശങ്ങൾ ഇതിന്റെ പേരിൽ നിഷേധിക്കപ്പെടരുത്.
ക്ഷേമ പെന്ഷന് വിതരണത്തിന് ഉപയോഗിക്കുന്ന സോഫ്ടുവെയറില് ചില ഗുരുതരമായ പോരായ്മകള് സിഎജി റിപ്പോര്ട്ടില് ചൂണ്ടിക്കാട്ടിയിട്ടുണ്ട്. ഇത് അടിയന്തിരമായി പരിഹരിക്കുന്നതിന് സര്ക്കാര് നടപടി സ്വീകരിക്കണമെന്നും ആവശ്യപ്പെടുന്നു".
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10