ഗൺമാൻമാർ യൂത്ത് കോൺഗ്രസ് നേതാക്കളെ മർദിച്ച കേസ് അട്ടിമറിച്ചത് മുഖ്യമന്ത്രിയുടെ ഓഫീസിലെ ഉപജാപകസംഘം: സര്ക്കാരിന് വിടുപണി ചെയ്യുന്നവരെ വെറുതെ വിടില്ലെന്ന് വി.ഡി. സതീശന്
Jaihind TV News Report
Jaihind TV Web Desk
October 04, 2024
1 min read
•
Updated: June 06, 2026
തിരുവനന്തപുരം: നവകേരള യാത്രയ്ക്കിടെ യൂത്ത് കോണ്ഗ്രസ് നേതാക്കളെ ക്രൂരമായി മര്ദ്ദിച്ച മുഖ്യമന്ത്രിയുടെ ഗണ്മാന്മാര്ക്ക് ക്ലീന് ചീറ്റ് നല്കിയുള്ള പോലീസ് റിപ്പോര്ട്ട് നിയമവിരുദ്ധവും അപഹാസ്യവുമെന്ന് പ്രതിപക്ഷ നേതാവ് വി.ഡി. സതീശന്. യൂത്ത് കോണ്ഗ്രസ് നേതാവ് അജയ് ജുവല് കുര്യാക്കോസ് ഉള്പ്പെടെയുള്ളവരെ പോലീസ് ക്രിമിനലുകള് ക്രൂരമായി മര്ദ്ദിക്കുന്നത് ലോകം മുഴുവന് കണ്ടതാണ്. അതിന്റെ ദൃശ്യങ്ങള് ഇപ്പോഴും പൊതുസമൂഹത്തിന് മുന്നിലുണ്ട്. എന്നിട്ടും തെളിവില്ലെന്ന റിപ്പോര്ട്ട് നല്കിയ പോലീസ് ഉദ്യോഗസ്ഥര് ഒരു നിമിഷം പോലും സര്വീസില് തുടരാന് യോഗ്യരെല്ലെന്നും വി.ഡി. സതീശന് ചൂണ്ടികാട്ടി.
പോലീസ് കസ്റ്റഡിയിലുണ്ടായിരുന്ന യൂത്ത് കോണ്ഗ്രസ് നേതാക്കളെയാണ് ഇല്ലാത്ത അധികാരം ഉപയോഗിച്ച് മുഖ്യമന്ത്രിയുടെ ഗണ്മാന്മാര് ആക്രമിച്ചത്. മുഖ്യമന്ത്രിയുടെ ഓഫീസിലെ ഉചജാപകസംഘം തന്നെയാണ് ഈ അന്വേഷണവും അട്ടിമറിച്ചത്. പോലീസിനെ പരിഹാസ്യരാക്കുന്നത് മുഖ്യമന്ത്രി തന്നെയാണ്. പക്ഷേ ഇതു കൊണ്ടൊന്നും പോരാട്ടം അവസാനിക്കുമെന്നു കരുതേണ്ടെന്നും നീതിക്ക് വേണ്ടി ഏതറ്റം വരെയും പോകുമെന്നും സതീശന് വ്യക്തമാക്കി. പോലീസിലെ ഒരു വിഭാഗം സിപിഎമ്മിന്റെ അടിമക്കൂട്ടമായി അധഃപതിച്ചു എന്നതിന്റെ ഏറ്റവും വലിയ തെളിവാണിതെന്നും അദ്ദേഹം കൂട്ടിച്ചേര്ത്തു.
സര്ക്കാരിന് വേണ്ടി വിടുപണി ചെയ്യുന്ന പോലീസ് ഉദ്യോഗസ്ഥരെ വെറുതെ വിടില്ല. എക്കാലവും പിണറായി വിജയന് മുഖ്യമന്ത്രിയായിരിക്കില്ലെന്ന് സിപിഎമ്മിന്റെ ഗുണ്ടാ സംഘങ്ങളെ പോലെ പ്രവര്ത്തിക്കുന്ന പോലീസുകാര് ഓര്ക്കണം. കാലം കണക്ക് പറയിക്കുക തന്നെ ചെയ്യുമെന്ന് അത്തരക്കാര് മനസിലാക്കിയാല് നല്ലതെന്നും വി.ഡി. സതീശന് മുന്നറിയിപ്പു നല്കി.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10