ഗവർണർക്കെതിരെ നിയമോപദേശത്തിന് വേണ്ടി സർക്കാർ ചെലവഴിച്ചത് 46.90 ലക്ഷം രൂപ
Jaihind TV News Report
Jaihind TV Web Desk
November 05, 2022
1 min read
•
Updated: June 10, 2026
തിരുവനന്തപുരം: ഗവർണർക്കെതിരെ നിയമോപദേശത്തിന് വേണ്ടി മാത്രം സർക്കാർ ചെലവഴിച്ചത് 46.90 ലക്ഷം രൂപ. നിയമസഭ പാസാക്കിയ ബില്ലുകളില് തുടര്നടപടികള് സ്വീകരിക്കാത്ത സാഹചര്യത്തിലാണ് സര്ക്കാര് ഗവര്ണര്ക്കെതിരെ നിയമനടപടികളിലേക്ക് കടക്കുന്നത്. ഗവര്ണര് ആരിഫ് മുഹമ്മദ് ഖാന് എതിരെ സ്വീകരിക്കേണ്ട നിയമ നടപടികളെ സംബന്ധിച്ച് സുപ്രീം കോടതിയിലെ മുതിര്ന്ന അഭിഭാഷകനും ഭരണഘടനാ വിദഗ്ധനുമായ ഫാലി എസ് നരിമാനില് നിന്നാണ് സര്ക്കാര് നിയമോപദേശം തേടിയത്.
കഴിഞ്ഞ നിയമസഭാ സമ്മേളനത്തിൽ 11 ബില്ലുകളാണ് നിയമസഭ പാസാക്കിയത്. ഇതിൽ ലോകായുക്ത, സർവകലാശാല ഭേദഗതി ബിൽ അടക്കമുള്ള 4 ബില്ലുകൾക്കും കഴിഞ്ഞ വർഷം നിയമസഭ പാസാക്കിയ രണ്ടു ബില്ലുകൾക്കും ഗവർണർ അംഗീകാരം നൽകിയിട്ടില്ല. ഫാലി എസ് നരിമാന് മാത്രം ഫീസായി 30 ലക്ഷം രൂപ സര്ക്കാര് നല്കും. ഇതുസംബന്ധിച്ച സര്ക്കാര് ഉത്തരവ് സംസ്ഥാന നിയമ വകുപ്പ് പുറത്തിറക്കി. നരിമാന്റെ ജൂനിയര് സുഭാഷ് ചന്ദ്രയ്ക്ക് 9.9 ലക്ഷം രൂപയും, സഫീര് അഹമ്മദിന് നാല് ലക്ഷം രൂപയും ഫീസായി നല്കും. നരിമാന്റെ ക്ലര്ക്ക് വിനോദ് കെ ആനന്ദിന് മൂന്ന് ലക്ഷം രൂപയാണ് നല്കുക. അഡ്വക്കേറ്റ് ജനറല് കെ ഗോപാല കൃഷ്ണ കുറുപ്പ് ആവശ്യപ്പെട്ടതിനെ തുടര്ന്നാണ് ഈ തുക അനുവദിച്ച് സര്ക്കാര് ഉത്തരവ് ഇറക്കിയത്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10