ലോക്സഭ തിരഞ്ഞെടുപ്പ്; വോട്ടെണ്ണലിനുള്ള ഒരുക്കങ്ങള് പൂര്ത്തിയായി, ത്രിതല സുരക്ഷയെന്ന് തിരഞ്ഞെടുപ്പ് കമ്മീഷന്
Jaihind TV News Report
Jaihind TV Web Desk
June 03, 2024
1 min read
•
Updated: June 09, 2026
ന്യൂഡല്ഹി: ലോക്സഭ തിരഞ്ഞെടുപ്പില് 64 കോടി പേര് വോട്ട് ചെയ്തുവെന്ന് മുഖ്യ തിരഞ്ഞെടുപ്പ് കമ്മീഷണര് രാജീവ് കുമാര് വ്യക്തമാക്കി. തിരഞ്ഞെടുപ്പിലെ ഏഴ് ഘട്ടങ്ങളും സമാധാനപരമായി പൂര്ത്തിയാക്കാൻ സാധിച്ചു. വോട്ടെണ്ണലിന് മുന്നോടിയായി ഡല്ഹിയില് നടന്ന വാര്ത്താ സമ്മേളനത്തിലാണ് അദ്ദേഹം ഇക്കാര്യം പറഞ്ഞത്.
ആകെ വോട്ട് ചെയ്ത 64.2 കോടി പേരിൽ 31.2 കോടി സ്ത്രീകളായിരുന്നു. സ്ത്രീ വോട്ടർമാരുടെ പങ്കാളിത്തത്തെ പ്രശംസിച്ച അദ്ദേഹം പോളിംഗ് ചുമതലയിലുണ്ടായിരുന്ന സുരക്ഷാ ഉദ്യോഗസ്ഥരടക്കം ഒന്നര കോടി പേരുടെ പങ്കാളിത്തത്തെയും അഭിനന്ദിച്ചു.യാതൊരു പക്ഷപാതിത്വവും ആരോടും കാട്ടിയില്ലെന്ന് രാജീവ് കുമാര് കൂട്ടിച്ചേർത്തു. വോട്ടെണ്ണലിനുള്ള എല്ലാ ഒരുക്കങ്ങളും പൂര്ത്തിയായി. രാജ്യത്താകെ പത്തര ലക്ഷം വോട്ടെണ്ണൽ കേന്ദ്രങ്ങൾ ഉണ്ട്. വോട്ടെണ്ണൽ കേന്ദ്രങ്ങൾക്ക് മൂന്ന് തലത്തിൽ സുരക്ഷയൊരുക്കിയിട്ടുണ്ടെന്നും അദ്ദേഹം അറിയിച്ചു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10