സംസ്ഥാന ബജറ്റ് 2022 ; ആഗോള സമാധാന സെമിനാറിന് 2 കോടി | LIVE
Jaihind TV News Report
Jaihind TV Web Desk
March 11, 2022
1 min read
•
Updated: June 10, 2026
തിരുവനന്തപുരം : രണ്ടാം പിണറായി സർക്കാരിന്റെ ആദ്യ സമ്പൂർണ്ണ ബജറ്റ് ധനമന്ത്രി കെ.എന്.ബാലഗോപാല് അവതരിപ്പിക്കുന്നു.യുദ്ധകാലത്ത് ലോകസമാധാന സമ്മേളനം നടത്തുമെന്ന് ധനമന്ത്രി. ആഗോള സമാധാന സെമിനാറിനായി 2 കോടി രൂപ വകയിരുത്തി.
സാമ്പത്തിക മാന്ദ്യം മറികടക്കാന് കേന്ദ്രം സഹായിക്കുന്നില്ലെന്ന വിമർശനം ധനമന്ത്രി ഉന്നയിച്ചു.
- വിലക്കയറ്റം അതിജീവിക്കാനും ഭക്ഷ്യസുരക്ഷയ്ക്കുമായി 2000 കോടി.
- ഉന്നതവിദ്യാഭ്യാസരംഗത്തിന് 200 കോടി
- ഹ്രസ്വകാല കോഴ്സുകള്ക്ക് 20 കോടി
- സർവകലാശ അക്കാദമിക് രീതികൾ പരിഷ്കരിക്കും. 1500 ഹോസ്റ്റൽ മുറികൾ. 250 അന്താരാഷ്ട്ര ഹോസ്റ്റൽ മുറികൾ. 100 കോടി കിഫ് ബി വഴി
- തിരുവനന്തപുരത്ത് മെഡിക്കൽ ടെക്ക് ഇന്നോവേഷൻ സെൻറ്ററിന് 100 കോടി
- കേരള സർവകലാശാലയിൽ ജിനോമിക്ക് ഡാറ്റ സെൻറ്റർ ആദ്യഘട്ടം - 50 കോടി
- സ്കിൽ ഡെവലപ്മെന്റ് പ്രോഗ്രാമുകൾക്ക് പ്രോത്സാഹനം. 140 നിയോജക മണ്ഡലങ്ങളിലും ഇതിനായി കേന്ദ്രങ്ങൾ
- മൈക്രോബയോബ് ഗവേഷണത്തിന് 5 കോടി
- ഇന്ത്യ ഇന്നോവേഷൻ സെൻറ്റർ ഫോർ ഗ്രാഫിനുമായി ബന്ധപ്പെട്ട് പരീക്ഷണങ്ങൾക്ക് 15 കോടി
- 5 ജി നെറ്റ് വർക്ക് കൊണ്ടുവരാൻ നടപടി സ്വീകരിക്കും. 5 ജി ശക്തിപ്പെടുത്താൻ ഉന്നതതല കമ്മിറ്റി രൂപീകരിക്കും
- വിവര സാങ്കേതിക മേഖലയിൽ കൂടുതൽ തൊഴിലവസരങ്ങൾ. കേരളത്തിലേത് അനുയോജ്യമായ അന്തരീക്ഷം
- സംസ്ഥാനത്ത് 4 വരി പാതയ്ക്ക് സമാന്തരമായി 4 ഐടി ഇടനാഴികൾ
- ഐടി പാർക്കുകളുടെ വിപുലീകരണത്തിന് 100 കോടി. ഐടി മേഖലയിൽ വിദഗ്ധ പരിശീലനം. 5000 പേർക്ക് ഈ വർഷം ഇന്റേണ്ഷിപ്പിന് സർക്കാർ സഹായം
- ഐ ടി പാർക്കിന് സ്ഥലം ഏറ്റെടുക്കാൻ 1000 കോടി
- വർക്ക് നിയർ ഹോം പദ്ധതിക്ക് 50 കോടി
- 7 അഗ്രി ടെക്ക് ഫെസിലിറ്റി സെന്ററുകൾ 7 ജില്ലകളിൽ 175 കോടി
- വ്യവസായ വളർച്ച: സ്വകാര്യസംരംഭകർക്ക് പ്രോൽസാഹനം നൽകും
- 1000 കോടി മുതൽ മുടക്കിൽ 4 സയൻസ് പാർക്ക്
- തിരുവനന്തപുരം, കൊച്ചി, കണ്ണൂർ വിമാനത്താവളത്തിന് സമീപത്ത് സയൻസ് പാർക്ക്. ഡിജിറ്റൽ സയൻസ് പാർക്ക് ഡിജിറ്റൽ സർവകലാശാലയിൽ. മൂന്ന് വർഷത്തിനുള്ളിൽ പദ്ധതി നടപ്പാക്കും
- തിരുവനന്തപുരത്ത് ആഗോളശാസ്ത്രോത്സവത്തിന് 4 കോടി
- മൂല്യവർധിത കാർഷിക വികസനത്തിന് 5 കോടി
- കൃഷി സംരംഭകർക്ക് സബ്സിഡിയിലൂടെ സഹായം നൽകും.
- കാർഷിക ഗ്രൂപ്പുകൾക്ക് വായ്പ. 20 കോടി സർക്കാർ അനുവദിക്കും
- പഴവർഗങ്ങൾ നിന്ന് വീര്യം കുറഞ്ഞ മദ്യം ഉൽപ്പാദിപ്പിക്കാൻ നടപടി. ഇതിനായി ശ്രീകാര്യം കിഴങ്ങുവിള ഗവേഷണ കേന്ദ്രത്തിന് 2 കോടി
- റബ്ബർ സബ്സിഡി 500 കോടി
- റോഡ് നിർമാണത്തിന് റബ്ബർ മിശ്രിതം ചേർക്കും. ഇതിനായി 50 കോടി
- മത്സ്യബന്ധന മേഖലയ്ക്ക് 140 കോടി
- 10 മിനി ഫുഡ് പാർക്കുകള്ക്കായി 100 കോടി
- ഫുഡ് പാർക്കിലൂടെ കേരളത്തിന്റെ തനത് വിഭവങ്ങൾ വിതരണം ചെയ്യും
- തൊഴിലില്ലായ്മ പരിഹരിക്കാൻ നടപടി. നിർമാണ മേഖലയിൽ തൊഴിൽ സേന രൂപീകരിക്കും. പ്രാദേശിക തലത്തിൽ 50 മുതൽ 100 പേരെ ചേർത്തായിരിക്കും സേന. ആധുനിക ഉപകരണങ്ങൾ വാങ്ങാൻ വായ്പ അനുവദിക്കും. ഇതിനായി 20 കോടി.
- വീടുകളിൽ സോളാർ പാനലുകൾ സ്ഥാപിക്കാൻ വായ്പയിൽ പലിശ ഇളവ്. പലിശ ഇളവിന് 15 കോടി.
- അഷ്ടമുടി കായൽ ശുചീകരണത്തിന് 20 കോടി
- ശാസ്താംകോട്ട കായൽ ശുചീകരണത്തിന് ഒരു കോടി.
- ശുചിത്വ സാഗരം പദ്ധതിക്ക് 10 കോടി. പദ്ധതി കേരളം മുഴുവൻ വ്യാപിപ്പിക്കും.
- ഡാമുകളിലെ മണൽവാരല് ഉപകരണങ്ങൾക്കായി പത്തുകോടി
- വാമനപുരം നദി ശുചീകരണത്തിന് 2 കോടി
- കൃഷി വകുപ്പിന് 48 കോടി രൂപ അധികം
- സ്റ്റാർട്ടപ്പുകൾക്ക് പ്രോൽസാഹനം
- ഞങ്ങൾ കൃഷിയിലേക്ക് എന്ന പുതിയ പദ്ധതി നടപ്പിലാക്കും
- നെൽകൃഷി വികസനത്തിന് 76 കോടി
- നെല്ലിന്റെ താങ്ങ് വില വർധിപ്പിച്ചു. നെല്ലിന്റെ താങ്ങ് വില 28.20 രൂപയായി ഉയർത്തി
- നാളികേര വികസനത്തിന് 73.93 കോടി
- കാർഷിക സർവകലാശാലയിലെ വിദ്യാർത്ഥികൾക്ക് കോഴ്സ് പൂർത്തീകരിക്കാൻ ഇൻസന്റീവ്
- കർഷകർക്കും വിളകൾക്കും ഇൻഷുറൻസ് പരിരക്ഷയ്ക്കുള്ള വിഹിതം 30 കോടി
- കൃഷി ശ്രീ പദ്ധതിക്കായി 19.81. കോടി
- കാർഷിക സബ്സിഡിയിൽ മാറ്റം. ഇതിനായി 77. 2 കോടി വിലയിരുത്തും
- 2025 മുതൽ ബജറ്റിനൊപ്പം പാരിസ്ഥിതിക രേഖ അവതരിപ്പിക്കും
- കാലവസ്ഥാ വ്യതിയാനം 100 കോടി രൂപ
- വെള്ളപ്പൊക്ക നിയന്ത്രണത്തിന് അഞ്ച് കോടി
- സൂക്ഷ്മ ജലസേചന പദ്ധതിക്ക് 10 കോടി
- തീരപ്രദേശ സംരക്ഷണത്തിന് 100 കോടി
- കുടപ്പനക്കുന്ന് വെറ്ററിനറി ആശുപത്രി വികസിപ്പിക്കും
- കടൽ സുരക്ഷാ പദ്ധതിക്ക് 5.5 കോടി
- പുനർഗേഹം പദ്ധതിക്ക് 16 കോടി
- വനം വന്യ ജീവി സംരക്ഷണത്തിന് 281.31 കോടി
- വന്യ ജീവി ആക്രമണം തടയുന്നതിന് 25 കോടി. ഇതിൽ ജീവഹാനി സംഭവിക്കുന്നവർക്ക് 7 കോടി
- ഇക്കോ ടൂറിസം 10 കോടി
- എസ് സി എസ് ടി സഹകരണസംഘം ആധുനിക വൽക്കരണം 14 കോടി
- കുടുബശ്രീയ്ക്ക് 500 കോടി വായ്പ അനുവദിക്കും
- കിലയ്ക്ക് 33 കോടി
- ട്രാൻസ് വിഭാഗത്തിലെ പ്രശ്നങ്ങൾ പരിഹരിക്കാൻ ജില്ലാതലത്തിൽ സംവിധാനം
- തൊഴിലുറപ്പ് പദ്ധതിക്കുള്ള ഫണ്ട് വെട്ടിക്കുറയ്ക്കുന്ന കേന്ദ്ര നടപടി അങ്ങേയറ്റം പ്രതിഷേധാർഹം
- ഗ്രാമീൺ ബാങ്കിന് അധിക വിഹിതം 91.75 കോടി
- കുട്ടനാട് പുതിയ പദ്ധതി 20 കോടി
- കേരള ബാങ്കിന് 200 കോടി
- രണ്ടാം കുട്ടനാട് പാക്കേജ് 140 കോടി
- ശബരിമല മാസ്റ്റർ പ്ലാൻ 30 കോടി
- ഒരു ലക്ഷം പുതിയ തൊഴിൽ സംരംഭങ്ങൾ
- വ്യവസായ മേഖലയ്ക്ക് 1226.66 കോടി
- വ്യവസായ മേഖലയിലെ വളർച്ചയ്ക്ക് ഊന്നൽ നൽകും
- ഇലക്ട്രോണിക്ക് ഹബ് 28 കോടി
- തൊഴിലുറപ്പ് പദ്ധതി 12 കോടി തൊഴിൽ ദിനങ്ങള് സൃഷ്ടിക്കാന് പ്രത്യേക യജ്ഞം
- ഒരു കുടുബം ഒരു സംരഭം പദ്ധതിക്ക് 7 കോടി
- ബഹുനില വ്യവസായ എസ്റ്റേറ്റുകൾക്ക് 10 കോടി
- പരമ്പരാഗത മേഖല വികസനത്തിന് പ്രോത്സാഹനം
- കശുവണ്ടി വ്യവസായ മേഖലയ്ക്ക് സഹായം
- കശുവണ്ടി വ്യവസായത്തിന് പലിശ ഇളവിന് 30 കോടി.
- കയർ മേഖലയക്ക് 117 കോടി
- ഖാദി മേഖലയ്ക്ക് 16.10 കോടി
- കൈത്തറി മേഖലയ്ക്ക് 40.56 കോടി
- കിൻഫ്ര യ്ക്ക് 332 .58 കോടി
- സംസ്ഥാനത്ത് ഉടനീളം 2000 വൈ ഫൈ ഹോട്ട്സ്പോട്ട്
- ടെക്സ്റ്റൈൽ മേഖലയ്ക്ക് 262.01 കോടി
- ടൈറ്റാനിയം മാലിന്യത്തിൽ നിന്ന് മൂല്യ വർധിത ഉത്പന്നം നിർമ്മിക്കും. 23 കോടി
- ഡിജിറ്റൽ സർവകലാശാല 26 കോടി
- ടെക്നോ പാർക്കിന് 26.6 കോടി
- സൈബർ പാർക്ക് 12.83 കോടി
- സ്റ്റാർട്ടപ്പ് മിഷൻ 90.5 കോടി
- കെ ഫോണിന് 125 കോടി അധികമായി നൽകും. കെ ഫോൺ ആദ്യ ഘട്ടം ജൂൺ 30ന് പൂർത്തിയാക്കും
- ഗതാഗത മേഖലയ്ക്ക് 1888.67 കോടി
- തീരദേശ ഗതാഗതം 10 കോടി
- തങ്കശേരി തുറമുഖം 10 കോടി
- ബേപ്പൂർ തുറമുഖം 15 കോടി
- തിരുവനന്തപുരം ഔട്ടർ റിംഗ് റോഡ് വികസനം 1000 കോടി
- റോഡ് നിർമാണത്തിന് പ്ലാസ്റ്റിക് മാലിന്യം ഉപയോഗപ്പെടുത്തും
- പ്രളയബാധിത പാലങ്ങളുടെ പുനർനിർമ്മാണം 98.88 കോടി
- 6 ബൈപ്പാസിനായി 200 കോടി
- ആകെ 1.31 ലക്ഷം കോടി രൂപയുടെ റോഡ് വികസനം മൂന്ന് വർഷത്തില്
- അനാവശ്യ ചെലവുകളും പ്രവർത്ത നഷ്ടവും കുറയ്ക്കാൻ നടപടി
- 1000 കോടി അധികമായി വകയിരുത്തുന്നു
- ഡിപ്പോകൾ നവീകരിക്കാൻ 30 കോടി
- 50 പുതിയ പെട്രോൾ ഡീസൽ പമ്പുകൾ
- സ്ത്രീ സുരക്ഷക്കായി നിർഭയ ലൊക്കേഷൻ ട്രാക്കിഗ് പദ്ധതി 4 കോടി
- ഹൈസ്പീഡ് ബസ് സിഎന്ജിയിലേക്ക് മാറാൻ 50 കോടി
- മോട്ടോർ വാഹന വകുപ്പിന് 44 കോടി
- എല്ലാ വാഹനങ്ങളും ലൊക്കേഷൻ ട്രാക്കിംഗ് നിരീക്ഷണ പരിധിയിലാക്കും
- ഉൾനാടൻ ജലഗതാഗതം 141.66 കോടി
- കെ റെയിലിന് കേന്ദ്ര അനുമതി പ്രതീക്ഷിക്കുന്നു
- കെ റെയിൽ 63941 കോടി ചിലവ് പ്രതീക്ഷിക്കുന്നു
- സിൽവർ ലൈൻ പദ്ധതിക്കായി ഭൂമി ഏറ്റെടുക്കലിന് 2000 കോടി കിഫ്ബി വഴി
- ശബരിമല വിമാനത്താവള പഠനം 2 കോടി
- വിനോദ സഞ്ചാരം 362.15 കോടി
- കൊച്ചിയിൽ യാത്രാ വികസനം
- റോ റോ സംവിധാനം 10 കോടി
- ചാമ്പ്യൻസ് ബോട്ട് ലീഗ് 15 കോടി
- കാരവൻ പാർക്കുകളുടെ വികസനത്തിന് 5 കോടി
- ബീച്ച് ടൂറിസം 5 കോടി
- മൺറോതുരുത്ത് 2 കോടി
- കാലാവസ്ഥാ പ0നത്തിന് 5 കോടി
- കുട്ടനാട് ടൂറിസം 2 കോടി
- സഞ്ചരിക്കുന്ന റേഷൻ കടകൾ തുടങ്ങും
- കോവളം, കൊല്ലം, കൊച്ചി, ബേപ്പൂർ, മംഗലാപുരം , ഗോവ കോർത്തിണക്കി സമുദ്ര യാത്രാ ക്രൂയിസ് ടൂറിസത്തിന് 5 കോടി
- വിദ്യാഭ്യാസ മേഖലയുടെ അടിസ്ഥാന സൗകര്യം വികസിപ്പിക്കാൻ 70 കോടി
- പൊതു വിദ്യാഭ്യാസം. ഭിന്നശേഷി സൗഹൃദത്തിന് 15 കോടി
- ഉന്നത വിദ്യാഭ്യാസ മേഖലയിൽ ഹരിത ക്യാമ്പസ് 5 കോടി
- സ്കൂൾ ഉച്ചഭക്ഷണം 342.64 കോടി
- ശ്രീനാരായണ ഗുരു ഓപ്പൺ സർവകലാശാല 7 കോടി
- മലയാള സിനിമാ മ്യൂസിയം സ്ഥാപിക്കും
- ചലച്ചിത്ര വികസന കോർപ്പറേഷന് 16 കോടി
- ചലച്ചിത്ര അക്കാദമി പ്രവർത്തനങ്ങൾക്ക് 12 കോടി
- സാംസ്കാരിക പൈതൃക ഗ്രാമങ്ങൾക്ക് 2 കോടി
- പൊതുജനാരോഗ്യരംഗത്തിന് 2629. 33 കോടി
- കൊട്ടാരക്കര തമ്പുരാൻ കഥകളി പഠന കേന്ദ്രം 2 കോടി
- സംഗീതജ്ഞൻ എം എസ് വിശ്വനാഥന് പാലക്കാട് സ്മാരകം 1 കോടി
- പണ്ഡിറ്റ് കറുപ്പൻ സ്മൃതി മണ്ഡപം 30 ലക്ഷം
- ചാവറ അച്ചൻ സ്മാരകം 1 കോടി
- ചെറുശേരി സ്മാരകം 2 കോടി
- പി കൃഷ്ണപിള്ള സ്മാരകത്തിന് 2 കോടി
- തിരുവനന്തപുരം ആർസിസിയെ സംസ്ഥാന ക്യാൻസർ സെന്ററായി ഉയർത്തും
- തിരുവനന്തപുരം ആർസിസിക്ക് 81 കോടി
- മലബാർ ക്യാൻസർ സെന്ററിന് 28 കോടി
- കൊച്ചി ക്യാൻസർ സെന്ററിന് 14.5 കോടി
- പാലിയേറ്റീവ് രംഗത്ത് നൂതന കോഴ്സുകൾ തുടങ്ങും. 5 കോടി
- കാരുണ്യ പദ്ധതിക്ക് 500 കോടി
- തിരുവനന്തപുരം മെഡിക്കൽ കോളേജ് ഒഫ്താൽമോളജി 250.7 കോടി
- ദാരിദ്യ നിർമാർജനത്തിന് 100 കോടി
- ലൈഫ്മിഷൻ 1871.82 കോടി
- റീ ബിൽഡ് കേരള 1600 കോടി
- 1,06,000 വ്യക്തിഗത വീടുകൾ നൽകും
- നഗരവികസനം 1495.2 കോടി
- എറണാകുളം നഗരത്തിലെ വെള്ളക്കെട്ട് പരിഹാരിക്കാനുള്ള ബ്രേക്ക് ത്രൂ പദ്ധതിക്ക് 10 കോടി
- അയ്യങ്കാളി തൊഴിലുറപ്പ് പദ്ധതിക്ക് 125 കോടി
- പ്ലാന്റേഷൻ മേഖലയുടെ അടിസ്ഥാന സൗകര്യത്തിന് 10 കോടി
- ഉക്രൈൻ പ്രതിസന്ധി: തിരിച്ചെത്തിയ വിദ്യാർത്ഥികള്ക്ക് പഠനം തുടരാനും സർട്ടിഫിക്കറ്റ് വീണ്ടെടുക്കാനും സഹായം നൽകും. ഇതിനായി 10 കോടി രൂപ
- നോർക്ക പ്രത്യേക സെൽ രൂപീകരിക്കും
- ഇതര സംസ്ഥാനത്ത് നിന്നെത്തുന്ന തൊഴിലാളികളുടെ വിവര ശേഖരണത്തിന് കേരള അതിഥി മൊബൈൽ ആപ്പ് 40 കോടി
- പട്ടികജാതി വികസനം 1935. 38 കോടി
- പട്ടികവർഗ വികസനം 735.86 കോടി
- പെൺകുട്ടികള്ക്കുള്ള വിവാഹ സഹായം 83.39 കോടി
- പ്രവാസി മേഖലയ്ക്ക് 147.51 കോടി
- പ്രീമെട്രിക് ഹോസ്റ്റലുകളിലെ ഹോസ്റ്റൽ അലവൻസ് പുതുക്കി 2500 ൽ നിന്ന് 3575 ആക്കി
- പോസ്റ്റ് മെട്രിക് ഹോസ്റ്റലുകളിൽ അലവൻസ് 2875 ൽ നിന്ന് 3575 ആക്കി
- മഴവില്ല് ട്രാൻസ്ജെൻഡർ പദ്ധതിക്ക് 5 കോടി
- വയോജന ക്ലിനിക്കിന് 50 ലക്ഷം
- ജെൻഡർ പാർക്ക് 10 കോടി
- അംഗൻവാടിയിൽ പാലും മുട്ടയും നൽകാൻ 62.5 കോടി
- ഇടുക്കി ജില്ലയിൽ ചിൽട്രൻസ് ഹോം. പദ്ധതിക്ക് 1.5കോടി
- 80 വയസ് കഴിഞ്ഞവർക്ക് പെൻഷൻ വീട്ടുപടിക്കൽ
- ട്രഷറി തട്ടിപ്പ് തടയാൻ പദ്ധതികൾ
- മുഖ്യമന്ത്രിയുടെ സംരംഭകത്വ വികസന പദ്ധതി വായ്പാ പരിധി 2 കോടി രൂപയായി ഉയർത്തും
- പലിശ ഇളവിന് 18 കോടി രൂപ വകയിരുത്തി
- പി എസ് സിക്ക് രണ്ട് റീജിയണൽ ഓഫീസുകൾ. ഇതിനായി 10 കോടി
- പോലീസിന്റെ വിവിധ പദ്ധതിക്ക് 149 കോടി
- വിമുക്തി പദ്ധതിക്ക് 8.18 കോടി
- എക്സൈസ് വകുപ്പിന് 10.5 കോടി
- കൂടുതൽ ഡീ അഡിക്ഷൻ സെന്ററുകൾ സ്ഥാപിക്കും
- ഭൂനികുതി വർധിപ്പിക്കും
- ഭൂമിയുടെ ന്യായവില 10 ശതമാനം വർധിപ്പിച്ചു
- മോട്ടോർ വാഹന നികുതി 1 ശതമാനം വർധിപ്പിച്ചു
- രണ്ട് ലക്ഷം വരെയുള്ള മോട്ടോർ സൈക്കിളുകള്ക്ക് നികുതി 1 ശതമാനം കൂട്ടി
- പ്രളയ സെസ് അധികം അടച്ചവർക്ക് റീഫണ്ട് ഓപ്ഷൻ നൽകും
- ചരക്ക് സേവന നികുതി പരിഷ്കരിക്കും
- പഴയ വാഹനങ്ങള്ക്ക് ഹരിത നികുതി 50 ശതമാനം കൂട്ടി
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10