മാസപ്പടി കേസില്‍ പ്രതിപക്ഷ നേതാവ് പിണറായി വിജയനെതിരെ അഴിമതി നിരോധന നിയമപ്രകാരം കേസെടുക്കുന്നത് നിയമോപദേശത്തിനും വിശദമായ വിലയിരുത്തലുകള്‍ക്കും ശേഷം. ഡിജിപി കൈമാറിയ ഈഡിയുടെ കത്തില്‍ ആഭ്യന്തര സെക്രട്ടറി അഡ്വക്കേറ്റ് ജനറലിന്റെ നിയമോപദേശം തേടും. നിയമോപദേശത്തിന്റെ അടിസ്ഥാനത്തില്‍ ആഭ്യന്തര സെക്രട്ടറി നല്‍കുന്ന റിപ്പോര്‍ട്ട് ആഭ്യന്തരമന്ത്രി പരിശോധിച്ച ശേഷം മുഖ്യമന്ത്രിയുമായി ചര്‍ച്ച നടത്തിയാകും അന്തിമ തീരുമാനമെടുക്കുക.
എല്ലാ വശങ്ങളും പരിശോധിച്ച ശേഷം അവധാനതയോടെ മാത്രമേ സര്‍ക്കാര്‍ ഇക്കാര്യത്തില്‍ അന്തിമ തീരുമാനം എടുക്കുകയുള്ളൂ. വിലയിരുത്തലുകള്‍ക്ക് ശേഷംഅനുമതി ലഭിച്ചാല്‍ വിജിലന്‍സ് ഡയറക്ടറോ പ്രത്യേക അന്വേഷണ സംഘമോ ആകും പ്രാഥമിക അന്വേഷണം ആരംഭിക്കുക.
മാസപ്പടി കേസിലെ ഇഡി കത്ത്; പിണറായിക്കെതിരെ കേസെടുക്കുന്നതില്‍ അന്തിമതീരുമാനം നിയമോപദേശത്തിന് ശേഷം
Jaihind TV News Report
Jaihind TV Web Desk
Updated Oct 11, 2026
1 min read
345 reads
