തിരുവനന്തപുരം: സംസ്ഥാനത്ത് പുതിയ മദ്യനയം നവംബര് 30-ന് മുമ്പ് പ്രഖ്യാപിക്കാന് സാധിക്കുമെന്ന് എക്സൈസ് മന്ത്രി എം. ലിജു. മദ്യനയവുമായി ബന്ധപ്പെട്ട ഫയല് നീക്കങ്ങള് വേഗത്തില് പുരോഗമിക്കുകയാണെന്നും, എക്സൈസ് വകുപ്പിന്റെ നേതൃത്വത്തില് വിവിധ തലങ്ങളിലുള്ള ചര്ച്ചകള് പൂര്ത്തിയാക്കി നിര്ദേശങ്ങള് ക്രോഡീകരിച്ചിട്ടുണ്ടെന്നും മന്ത്രി വ്യക്തമാക്കി.
യു.ഡി.എഫ് ഉപസമിതി കൂടി വിഷയം വിശദമായി ചര്ച്ച ചെയ്ത ശേഷമായിരിക്കും മദ്യനയത്തില് അന്തിമ തീരുമാനമെടുക്കുക. തുടര്ന്ന് മന്ത്രിസഭയുടെ അംഗീകാരം ലഭിച്ചാലുടന് പുതിയ മദ്യനയം സര്ക്കാര് ഉത്തരവായി പുറത്തിറക്കും. കഴിഞ്ഞ എല്.ഡി.എഫ് സര്ക്കാരിന്റെ മദ്യനയം അതേപടി തുടരില്ലെന്നും, യു.ഡി.എഫ് നയത്തിനനുസരിച്ചുള്ള മാറ്റങ്ങള് പുതിയ മദ്യനയത്തില് ഉള്പ്പെടുത്തുമെന്നും മന്ത്രി എം. ലിജു അറിയിച്ചു
സംസ്ഥാനത്ത് പുതിയ മദ്യനയം നവംബര് 30-ന് മുമ്പ് പ്രഖ്യാപിക്കും; എൽഡിഎഫ് നയം അതേപടി തുടരില്ല, മാറ്റങ്ങൾ വരുമെന്ന് മന്ത്രി എം. ലിജു