Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

സോണിയ ജി ഇടപെട്ടില്ലായിരുന്നുവെങ്കിൽ ഇല്ലാത്ത ക്യാന്‍സര്‍ ശസ്ത്രക്രിയക്ക് ഞാന്‍ വിധേയനാകുമായിരുന്നു; 'ബിലോങിംഗ് എ ജേർണി ഓഫ് ലൗ' വായനയ്ക്ക് ശേഷം സോണിയയുമായുള്ള ആത്മബന്ധം വെളിപ്പെടുത്തി എ.കെ. ആന്റണി

സോണിയ ജി ഇടപെട്ടില്ലായിരുന്നുവെങ്കിൽ ഇല്ലാത്ത ക്യാന്‍സര്‍ ശസ്ത്രക്രിയക്ക് ഞാന്‍ വിധേയനാകുമായിരുന്നു; 'ബിലോങിംഗ് എ ജേർണി ഓഫ് ലൗ' വായനയ്ക്ക് ശേഷം സോണിയയുമായുള്ള ആത്മബന്ധം വെളിപ്പെടുത്തി എ.കെ. ആന്റണി
സോണിയ ഗാന്ധിയുടെ ആത്മകഥയായ 'ബിലോങിംഗ് എ ജേര്‍ണി ഓഫ് ലൗ' വായിച്ച നിര്‍വൃതിയിലാണ മുതിര്‍ന്ന കോണ്‍ഗ്രസ് നേതാവ് എ കെ ആന്റണി, പുസ്തകത്തില്‍ വിവരിച്ച കാര്യങ്ങളും സോണിയ ഗാന്ധിയുമായുണ്ടായിരുന്ന ആത്മ ബന്ധവും തന്റെ ജീവിതത്തിലെ നിര്‍ണായക ഘട്ടത്തില്‍ സോണിയ ഗാന്ധി നടത്തിയ ഇടപ്പെടലുകളേക്കുറിച്ചും ആന്റണിയുടെ വാക്കുകള്‍ ഇങ്ങനെ;

"കോണ്‍ഗ്രസ് അധ്യക്ഷയായ ഇന്ദിര ഗാന്ധി എന്നെ എ ഐ സി സി ജനറല്‍ സെക്രട്ടറി ആക്കിയ കാലം മുതല്‍ സോണിയ ഗാന്ധിയെ തനിക്കറിയാം. ആന്റണി ജി യെന്നാണ് വിളിച്ചിരുന്നത്. പ്രധാന രാഷ്ട്രീയ കാര്യങ്ങളില്‍ സോണിയ ജി തന്റെ അഭിപ്രായം തേടുമായിരുന്നു. തന്റെ അഭിപ്രായങ്ങള്‍ക്ക് സോണിയാ ജി വലിയ പരിഗണന നല്‍കി, 2014 ല്‍ ശരീരഭാരം കുറയുന്ന രോഗം എനിക്കുണ്ടായി ഡല്‍ഹി എംയ്സില്‍ പരിശോധന നടത്തി. ഡല്‍ഹിയിലെ മറ്റ് രണ്ട് ആശുപത്രികളിലും പരിശോധിച്ചു. പരിശോധനാ ഫലം ചെന്നൈയിലെ ഒരു ആശുപ്രതിയിലേയ്ക്ക് അയച്ചു. കാന്‍സര്‍ ആണെന്ന് ബാക്കി നാലു ആശുപത്രികളും ഉറപ്പിച്ചു പറഞ്ഞു.

മജ്ജമാറ്റിവയ്ക്കല്‍ മാത്രമേ പോം വഴിയുള്ളൂവെന്ന് ഡോക്ട്ടര്‍മാര്‍ നിര്‍ദേശിച്ചു. ഡല്‍ഹി എയിംസില്‍ ഓപ്പറേഷനുതീയതിയും നിശ്ചയിച്ചു. ആ സമയത്തൊന്നും ഞാന്‍ ഈ വിവരം സോണിയാഗാന്ധിയോട് പറഞ്ഞിരുന്നില്ല. അവരെ അറിയിക്കാതെ ഓപ്പറേഷനിലേക്ക് പോകുന്നത് ശരിയല്ലെന്ന് തോന്നി. ഒരു ദിവസം ഞാന്‍ സോണിയാഗാന്ധിയെ ചെന്നു കണ്ടു. എനിക്ക് കാന്‍സറാണെന്നും എയിംസില്‍ ചികില്‍സയാരംഭിക്കാന്‍ പോവുകയാണെന്നും പറഞ്ഞു. നോ നോ എന്ന് പറഞ്ഞ് അവര്‍ എന്നെ വിലക്കി. രോഗം സംബന്ധിച്ച വിദഗ്ധ അഭിപ്രായത്തിനായി വിദേശത്തേക്ക് പോകണമെന്നും കര്‍ശനമായി സോണിയ പറഞ്ഞു.

അവര്‍ അഹമ്മദ് പട്ടേലിനെ ഉടന്‍ വിളിച്ചുവരുത്തി. യു.എസില്‍ പരിശോധനയ്ക്കാവശ്യമായ എല്ലാ കാര്യങ്ങളും ഏര്‍പ്പാടാക്കാന്‍ നിര്‍ദേശിച്ചു. ഒരു ക്രിസ്മസ് കാലമായിരുന്നു അത്. അവിടെ ചികിത്സ ലഭിക്കുന്നത് എളുപ്പമല്ല. മിക്കവാറും ആശുപത്രികളില്‍ പ്രധാനപ്പെട്ട ഡോക്ടര്‍മാര്‍ അവധിയെടുക്കും. വിസ കിട്ടാനും പ്രയാസം. എന്നാല്‍ സോണിയാഗാന്ധിയുടെ ഇടപെടലില്‍ തടസ്സങ്ങളെല്ലാം മറികടന്ന് അന്ന് കേരള ആഭ്യന്തരമന്ത്രിയായിരുന്നു രമേശ് ചെന്നിത്തലയോട് എനിക്കൊപ്പെം അമേരിക്കയില്‍ പോകാന്‍ സോണിയ നിര്‍ദേശിച്ചു.

എല്ലാ ചെലവുകളും കോണ്‍ഗ്രസ് ഏറ്റെടുത്തു. യു.എസില്‍ നടത്തിയ പരിശോധനയില്‍ കാന്‍സറില്ലെന്ന് സ്ഥിരീകരിച്ചു. പ്രോട്ടീന്റെ കുറവുമൂലമുണ്ടാകുന്ന പ്രശ്നമാണെന്നും കണ്ടെത്തി. സോണിയ ഇടപെട്ടില്ലായിരുന്നുവെങ്കില്‍ എയിംസില്‍ ഇല്ലാത്ത കാന്‍സറിന് ശസ്ത്രക്രിയയ്ക്ക് ഞാന്‍ വിധേയനാകുമായുരുന്നു. എനിക്ക് സോണിയഗാന്ധിയോട് എന്നും ഓര്‍മിക്കുന്ന കടപ്പാടാണിത്."
മനോരമ പത്രത്തിന് നല്‍കിയ അഭിമുഖത്തില്‍ എ.കെ ആന്റണി പറഞ്ഞു.

Related articles

See all
Popular News

ചാല സ്വര്‍ണക്കവര്‍ച്ച; പിന്നില്‍ ജ്വല്ലറി ഉടമകള്‍ തമ്മിലുള്ള വൈരാഗ്യമോ? മാളവിക ജ്വല്ലറി ഉട...

Popular News

'മോദി ചോദ്യങ്ങളെ ഭയക്കുന്നു, രാഹുൽ ഗാന്ധിയുടെ ഫോൺ ചോർത്തലും വിദേശ പ്രതിനിധികൾക്ക് വിസ നിഷേ...

Popular News

ചടയമംഗലത്ത് മർദ്ദനത്തിനിരയായ 13 കാരനും കുടുംബത്തിനും മന്ത്രി ബിന്ദു കൃഷ്ണയുടെ ഇടപെടലിൽ അടി...

Popular News

SSLC, പ്ലസ്ടു പരീക്ഷ തീയതികൾ പ്രഖ്യാപിച്ചു; 2027 മാർച്ച് 1 ന് SSLC പരീക്ഷകൾ ആരംഭിക്കും, ഹയ...

Save your stories

Sign in