Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

കിവീസിനെതിരായ ഏകദിന പരമ്പര സ്വന്തമാക്കി ഇന്ത്യ; അഞ്ചാം ഏകദിനത്തിൽ 22 റൺസിന്‍റെ ജയം

കിവീസിനെതിരായ ഏകദിന പരമ്പര സ്വന്തമാക്കി ഇന്ത്യ; അഞ്ചാം ഏകദിനത്തിൽ 22 റൺസിന്‍റെ ജയം

ന്യൂസിലൻഡിനെതിരായ ഏകദിന പരമ്പര ഇന്ത്യക്ക്. അഞ്ചാം ഏകദിനത്തിൽ 22 റൺസിന്‍റെ തകർപ്പൻ ജയത്തോടെയാണ് ഇന്ത്യ പരമ്പര സ്വന്തമാക്കിയത്. 3–1 നാണ് അഞ്ചു മത്സരങ്ങളുടെ പരമ്പര ഇന്ത്യ നേടിയത്.

നാലാം ഏകദിനത്തിലെ നാണംകെട്ട തോൽവിക്ക് മറുപടി നൽകി ഇന്ത്യയുടെ ശക്തമായ തിരിച്ചുവരവ്. അഞ്ചാം ഏകദിനത്തിൽ ന്യൂസിലൻഡിനെ 22 റൺസിന് തകർത്താണ് ഇന്ത്യ പരമ്പര സ്വന്തമാക്കിയത്. ആദ്യം ബാറ്റ് ചെയ്ത ഇന്ത്യ 42.1 ഓവറിൽ 209 റൺസിന് പുറത്തായി. മറുപടി ബാറ്റിങ്ങിൽ ന്യൂസിലൻഡിന്‍റെ പോരാട്ടം 187 റൺസിൽ അവസാനിച്ചു. അർഷ്ദീപ് സിങ്ങിന്‍റെ തകർപ്പൻ ബൗളിങ് പ്രകടനമാണ് ഇന്ത്യൻ വിജയത്തിൽ നിർണായകമായത്. പത്ത് ഓവറിൽ 30 റൺസ് വഴങ്ങി മൂന്ന് വിക്കറ്റുകൾ വീഴ്ത്തിയ അർഷ്ദീപ് കളിയിലെ താരമായി. മുഹമ്മദ് സിറാജ് അക്സർ പട്ടേൽ എന്നിവർ രണ്ട് വിക്കറ്റ് വീതം നേടി.

ടോസ് നേടി ബൗളിങ് തിരഞ്ഞെടുത്ത ന്യൂസിലൻഡ് ഇന്ത്യൻ ബാറ്റിങ് നിരയെ തുടക്കത്തിൽ തന്നെ സമ്മർദത്തിലാക്കി. രോഹിത് ശർമയും വിരാട് കോലിയും റുതുരാജ് ഗെയ്ക്‌വാദും ചെറിയ സ്കോറുകളിൽ പുറത്തായതോടെ ഇന്ത്യ 34 റൺസിന് മൂന്ന് വിക്കറ്റ് എന്ന നിലയിൽ തകർന്നു. ശ്രേയസ് 22 റൺസെടുത്ത് പുറത്തായി. തുടർന്ന് ഇഷാൻ കിഷനും അക്സർ പട്ടേലും ചേർന്നുള്ള കൂട്ടുകെട്ടാണ് ഇന്ത്യക്ക് പ്രതീക്ഷ നൽകിയത്. ഇരുവരും 46 റൺസ് വീതം നേടി. 55 പന്തിൽ അഞ്ച് ഫോറും ഒരു സിക്സുമടക്കമാണ് അക്സറിന്റെ 46 റൺസ്. ഇഷാൻ 58 പന്തിൽ മൂന്ന് ഫോറും രണ്ട് സിക്സുമടക്കം 46 റൺസെടുത്തു.

മധ്യനിരയിൽ നമൻ ധീർ 22 റൺസ് സംഭാവന ചെയ്തു. സിറാജ് പുറത്താകാതെ 14 റൺസെടുത്തപ്പോൾ അർഷ്ദീപ് നാല് പന്തിൽ രണ്ട് സിക്സറുകളടക്കം 14 റൺസ് നേടി. 42.1 ഓവറിൽ ഇന്ത്യയുടെ പോരാട്ടം 209 റൺസിൽ അവസാനിച്ചു. ന്യൂസിലൻഡിനായി ക്യാപ്റ്റൻ മിച്ചൽ സാന്റ്നറും ജേക്കബ് ഡഫിയും മൂന്ന് വിക്കറ്റ് വീതം വീഴ്ത്തി.

ഇന്ത്യൻ ബൗളർമാരുടെ കൃത്യതയാർന്ന പ്രകടനത്തിന് മുന്നിൽ ആതിഥേയർക്ക് പിടിച്ചുനിൽക്കാനായില്ല. ഡീൻ ഫോക്സ്‌ക്രോഫിന്റെ 31 റൺസാണ് ന്യൂസിലൻഡ് നിരയിലെ ഉയർന്ന വ്യക്തിഗത സ്കോർ. കൃത്യമായ ഇടവേളകളിൽ വിക്കറ്റുകൾ വീഴ്ത്തിയ ഇന്ത്യ ന്യൂസിലൻഡ് ഇന്നിങ്സ് 48.1 ഓവറിൽ 187 റൺസിൽ അവസാനിപ്പിച്ചു. ഇതോടെ അഞ്ച് മത്സര പരമ്പര ഇന്ത്യ 3–1ന് സ്വന്തമാക്കി. ഒരു മത്സരം മഴമൂലം ഉപേക്ഷിച്ചിരുന്നു.

Related articles

See all
Popular News

2029 ചാംപ്യന്‍സ് ട്രോഫിക്കും 2031 ഏകദിന ലോകകപ്പിനും ഇന്ത്യ വേദിയാകും; സമ്പൂര്‍ണ ഷെഡ്യൂള്‍...

Popular News

'പാകിസ്ഥാന്‍ ദുര്‍ബലരായ എതിരാളികള്‍ മാത്രം'; അണ്ടര്‍ 19 ഏഷ്യാ കപ്പ് വിജയത്തിന് പിന്നാലെ പാ...

Popular News

ആദ്യം കൈയിലെടുത്ത ആ ബാറ്റും ഒപ്പമുണ്ട്; കരിയറിന്റെ നാഴികക്കല്ലില്‍ കുട്ടിക്കാലം ഓര്‍ത്ത് സ...

Popular News

ഐ.ഒ.എ തിരഞ്ഞെടുപ്പിൽ പി.ടി ഉഷയ്ക്ക് ആശ്വാസം; ഐസ് ഹോക്കി ഫെഡറേഷൻ പ്രാതിനിധ്യത്തിന് അംഗീകാരം...

Save your stories

Sign in