തിരുവനന്തപുരം: ഹൈക്കമാന്‍ഡ് വിളിച്ചുചേര്‍ത്ത കോണ്‍ഗ്രസ് മുഖ്യമന്ത്രിമാരുടെ നിര്‍ണായക യോഗത്തില്‍ പങ്കെടുക്കുന്നതിനായി മുഖ്യമന്ത്രി വി. ഡി. സതീശന്‍ ഇന്ന് ഡല്‍ഹിയിലേക്ക് തിരിക്കും. ഇന്ന് രാത്രിയോടെ അദ്ദേഹം ഡല്‍ഹിയിലെത്തും.
കേന്ദ്രസര്‍ക്കാര്‍ നയങ്ങള്‍ക്കെതിരെ കോണ്‍ഗ്രസ് ഭരിക്കുന്ന സംസ്ഥാനങ്ങള്‍ സ്വീകരിക്കേണ്ട സംയുക്ത നിലപാടുകള്‍, കേന്ദ്രാവിഷ്‌കൃത പദ്ധതികളില്‍ സംസ്ഥാന സര്‍ക്കാരുകള്‍ സ്വീകരിക്കേണ്ട തന്ത്രപരമായ തീരുമാനങ്ങള്‍ എന്നിവയാണ് യോഗത്തിലെ പ്രധാന ചര്‍ച്ചാവിഷയങ്ങള്‍.
ഡല്‍ഹി സന്ദര്‍ശനവേളയില്‍ കോണ്‍ഗ്രസ് ദേശീയ നേതൃത്വവുമായി മുഖ്യമന്ത്രി പ്രത്യേക കൂടിക്കാഴ്ച നടത്തുവാന്‍ സാധ്യതയുണ്ട്.
മുഖ്യമന്ത്രി വിഡി സതീശന്‍ ഡല്‍ഹിയിലേക്ക്; കോണ്‍ഗ്രസ് മുഖ്യമന്ത്രിമാരുടെ യോഗത്തില്‍ പങ്കെടുക്കും
Jaihind TV News Report
Jaihind TV Web Desk
Updated Oct 09, 2026
1 min read
282 reads
