അഫ്ഗാനിസ്ഥാനില് വീണ്ടും സ്ഫോടനം : നൂറിലധികം ജീവനുകള് പൊലിഞ്ഞു
Jaihind TV News Report
Jaihind TV Web Desk
October 08, 2021
1 min read
•
Updated: June 04, 2026
കാബൂള് : അഫ്ഗാനിസ്താനില് വീണ്ടും ബോംബ് സ്ഫോടനം. കുന്ദൂസ് പ്രവിശ്യയില് നടന്ന സ്ഫോടനത്തില് നൂറിലധികം പേര് കൊല്ലപ്പെട്ടതായാണ് റിപ്പോര്ട്ട്. എഴുപതിലധികം പേര്ക്ക് പരിക്കേറ്റതായും ഐക്യരാഷ്ട്രസഭയുടെ 'മിഷന് റ്റു അഫ്ഗാനിസ്താന്' ട്വീറ്റ് ചെയ്തു. കുന്ദൂസ് പ്രവിശ്യയുടെ വടക്കുകിഴക്കന് പ്രദേശത്ത് സ്ഥിതി ചെയ്യുന്ന ഷിയ പള്ളിയിലാണ് സ്ഫോടനമുണ്ടായത്.
വെള്ളിയാഴ്ച്ച നടക്കുന്ന ജുമുഅ നമസ്കാരത്തിനിടെയാണ് സംഭവം. ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. അതേസമയം സ്ഫോടനത്തിന് പിന്നില് ഐഎസ്ഐഎസ് ആണെന്ന് താലിബാന് ആരോപിച്ചു. അഫ്ഗാന് ജനതയുടെ 20 ശതമാനം താമസിക്കുന്ന പ്രവിശ്യയാണ് കുന്ദൂസ്.
കഴിഞ്ഞ ഞായറാഴ്ച്ച കാബൂളിലെ മുസ്ലിം പള്ളിയില് നടന്ന ബോംബ് സ്ഫോടനത്തില് 12 പേര് കൊല്ലപ്പെടുകയും 32 പേര്ക്ക് ഗുരുതരമായി പരിക്കേല്ക്കുകയും ചെയ്തിരുന്നു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10