എന്താണ് സിന്ധു നദീ ജല കരാര്? വിശദമായി മനസ്സിലാക്കാം
Jaihind TV News Report
Jaihind TV Web Desk
April 24, 2025
1 min read
•
Updated: June 06, 2026
2025 ഏപ്രില് 23-ന് ജമ്മു-കശ്മീരിലെ പഹല്ഗാം പ്രദേശത്ത് 26 പേരുടെ ജീവന് നഷ്ടപ്പെട്ട ഭീകരാക്രമണത്തെ തുടര്ന്ന്, ഇന്ത്യ പാകിസ്ഥാനുമായി ഉള്ള സിന്ധു നദി ജല കരാര് താത്കാലികമായി നിര്ത്തിവെച്ചു. ഇന്ത്യ, ആക്രമണത്തിന് പിന്നില് പാകിസ്ഥാന് അടിസ്ഥാനമാക്കിയ ഭീകരസംഘടനകളുടെ പങ്ക് ആരോപിച്ചു. പാകിസ്ഥാന് ഈ ആരോപണം നിഷേധിക്കുകയും, കരാര് നിര്ത്തിവെക്കുന്നത് 'ജല യുദ്ധം' ആണെന്ന് വിമര്ശിക്കുകയും ചെയ്തു. ഈ തീരുമാനം ഇന്ത്യ-പാകിസ്ഥാന് ബന്ധങ്ങളില് പുതിയ പ്രതിസന്ധി സൃഷ്ടിച്ചിരിക്കുകയാണ്. ഇത് ഭാവിയില് ജല വിഭജനത്തില് ഗുരുതരമായ പ്രത്യാഘാതങ്ങള് ഉണ്ടാക്കാന് സാധ്യതയുണ്ട്.
എന്താണ് സിന്ധു നദീ ജല കരാര് (Indus Waters Treaty)?
ഇന്ത്യയും പാകിസ്താനും തമ്മില് 1960-ല് ഒപ്പുവെച്ച ഒരു ജല വിഭജന കരാറാണ്. ഇത് ലോകബാങ്കിന്റെ മധ്യസ്ഥതയില്, ഇന്ത്യയുടെ പ്രധാനമന്ത്രി ജവാഹര്ലാല് നെഹ്റുവും പാകിസ്ഥാന്റെ പ്രസിഡന്റായിരുന്ന ആയുബ് ഖാനും ഒപ്പുവെച്ചു. 1947 ഇന്ത്യ-പാകിസ്ഥാന് വിഭജനകാലത്ത് ഇന്ത്യയില് ഉല്ഭവിച്ച് പാകിസ്ഥാനിലേക്കൊഴുകുന്ന സിന്ധു നദി ആര് നിയന്ത്രിക്കുമെന്നതില് തര്ക്കമുണ്ടാകുന്നു. കരാര് ചര്ച്ചകള്ക്ക് നേതൃത്വം നല്കിയത് ലോക ബാങ്ക്. 9 വര്ഷത്തെ ചര്ച്ചകള്ക്ക് ഒടുവിലാണ് കരാറിന്മേല് തീരുമാനമുണ്ടാകുന്നത്. കരാറിങ്ങനെ:
- ഇന്ത്യയ്ക്ക് ബിയാസ്, രവി, സുത്ലജ് എന്നീ കിഴക്കന് നദികളിലെ ജലം ഉപയോഗിക്കാന് പൂര്ണ്ണ അവകാശം ലഭിച്ചു.
- പാകിസ്ഥാന് ഇന്ഡസ്, ഝലം , ചെനാബ് എന്നീ പടിഞ്ഞാറന് നദികളിലെ ജലം ഉപയോഗിക്കാന് അവകാശം ലഭിച്ചു.
- പടിഞ്ഞാറന് നദികളില് ഇന്ത്യയ്ക്ക് പരിമിതമായ കൃഷി ആവശ്യങ്ങള്ക്കായി ജലം ഉപയോഗിക്കാനും, വൈദ്യുതി ഉത്പാദനം പോലുള്ള ജലം ഉപയോഗം കുറഞ്ഞ പ്രവര്ത്തനങ്ങള്ക്കായി ഉപയോഗിക്കാനും അനുമതി ലഭിച്ചു.
- ജലത്തില് 20 % ശതമാനം ഇന്ത്യയ്ക്കും 80% പാകിസ്ഥാനും.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10