അമ്പരപ്പിക്കുന്ന വിഎഫ്എക്സും ബ്രഹ്മാണ്ഡ ആക്ഷനും; പാൻ ഇന്ത്യൻ ചിത്രം 'നാഗബന്ധ'ത്തിലെ 'വീരനാഗ' ഗാനം ജൂൺ 26-നെത്തും!
പുരാതന രഹസ്യങ്ങളും ദിവ്യശക്തികളും പശ്ചാത്തലമാക്കി ഇന്ത്യൻ സിനിമയെ തന്നെ ഞെട്ടിക്കാൻ ഒരുങ്ങുന്ന വമ്പൻ പാൻ-ഇന്ത്യൻ തെലുങ്ക് ചിത്രം 'നാഗബന്ധം' റിലീസിന് തയ്യാറെടുക്കുന്നു. ചിത്രത്തിലെ ഏറെ പ്രതീക്ഷയോടെ കാത്തിരിക്കുന്ന പുതിയ ഗാനം ജൂൺ 26-ന് പുറത്തിറങ്ങുമെന്ന് അണിയറപ്രവർത്തകർ അറിയിച്ചു. 'വീരനാഗ ഗാനം' എന്ന് പേരിട്ടിരിക്കുന്ന ഈ പാട്ട് നാഗ സാധുക്കളുടെ കഥ പറയുന്നതും അവരെ ആഘോഷിക്കുന്നതുമായ രീതിയിലാണ് ഒരുക്കിയിരിക്കുന്നത് എന്നാണ് സൂചന.
അഭിഷേക് നാമ രചനയും സംവിധാനവും നിർവ്വഹിക്കുന്ന ഈ ബ്രഹ്മാണ്ഡ ചിത്രം ജൂലൈ 3-നാണ് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യുന്നത്. കേരളത്തിൽ ഈ ചിത്രം പ്രമുഖ വിതരണക്കാരായ ജി എഫ് (ഗുഡ് ഫെല്ലാസ്) ഫിലിംസ് ആൻഡ് റിലീസ് ആണ് തിയേറ്ററുകളിൽ എത്തിക്കുന്നത്. വിരാട് കർണ്ണ നായകനായി എത്തുന്ന ചിത്രം ഏഷ്യാനെറ്റ് ന്യൂസ് ഉൾപ്പെടെയുള്ള മാധ്യമങ്ങളിൽ ഇതിനോടകം വലിയ ചർച്ചയായിക്കഴിഞ്ഞു.
30 മില്യൺ കാഴ്ചക്കാരുമായി ട്രെയിലർ തരംഗം!
ചിത്രത്തിന്റേതായി നേരത്തെ പുറത്തുവന്ന ഔദ്യോഗിക ട്രെയിലർ ഇതിനോടകം 30 മില്യണിലധികം കാഴ്ചക്കാരെ നേടി സോഷ്യൽ മീഡിയയിൽ സൂപ്പർ ഹിറ്റായിക്കഴിഞ്ഞു. പുരാതന ക്ഷേത്രങ്ങളും നിഗൂഢ ലോകങ്ങളും ഉൾപ്പെടുന്ന കഥാപരിസരം പ്രേക്ഷകരിൽ വലിയ പ്രതീക്ഷയാണ് സമ്മാനിക്കുന്നത്. ഹോളിവുഡ് ആക്ഷൻ ഡയറക്ടർ വ്ലാഡ് റിംബർഗ് ആണ് ചിത്രത്തിനായി വമ്പൻ ആക്ഷൻ സീക്വൻസുകൾ സംവിധാനം ചെയ്തിരിക്കുന്നത്. ലോകോത്തര നിലവാരത്തിലുള്ള അത്യാധുനിക വിഷ്വൽ ഇഫക്റ്റുകളും (VFX) വലിയ യുദ്ധരംഗങ്ങളുമാണ് ചിത്രത്തിന്റെ പ്രധാന ഹൈലൈറ്റ്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.