Latest News | India | Trending News | dontmiss

വയനാട് ദുരന്തത്തിന്‍റെ പശ്ചാത്തലത്തിൽ മുല്ലപ്പെരിയാർ ഡാമിന്‍റെ സുരക്ഷ കേന്ദ്രവിദഗ്ദ സംഘം ഉടൻ പരിശോധിച്ചു ഉറപ്പുവരുത്തണം: ഹാരിസ് ബീരാൻ എംപി

Jaihind TV News Report

Jaihind TV Web Desk

August 06, 2024

1 min read • Updated: June 09, 2026

SAVE: Login to save

വയനാട് ദുരന്തത്തിന്‍റെ പശ്ചാത്തലത്തിൽ മുല്ലപ്പെരിയാർ ഡാമിന്‍റെ സുരക്ഷ കേന്ദ്രവിദഗ്ദ സംഘം ഉടൻ പരിശോധിച്ചു ഉറപ്പുവരുത്തണം: ഹാരിസ് ബീരാൻ എംപി

ന്യൂഡൽഹി : വയനാട് ദുരന്തത്തിന്‍റെ പശ്ചാത്തലത്തിൽ മുല്ലപ്പെരിയാർ ഡാമിന്‍റെ സുരക്ഷ കേന്ദ്രവിദഗ്ദ സംഘം ഉടൻ പരിശോധിക്കണമെന്നും സമീപ പ്രദേശത്ത് ജീവിക്കുന്ന പ്രദേശവാസികളുടെ ആശങ്ക പരിഹരിക്കണമെന്നും അഡ്വ. ഹാരിസ് ബീരാൻ എംപി രാജ്യസഭയിൽ ആവശ്യപ്പെട്ടു. കാലാവസ്ഥാ വ്യതിയാനവും തുടർച്ചയായി സംഭവിക്കുന്ന മേഘവിസ്ഫോടനവും കേരളത്തിലെ കാലവർഷക്കെടുതി രൂക്ഷമാക്കിയിട്ടുണ്ടെന്നും അതിനാൽ തന്നെ പഴക്കമുള്ള ഡാമുകളെക്കുറിച്ചുള്ള വിദഗ്ദ പരിശോധന അനിവാര്യമാണെന്നും അദ്ദേഹം ചൂണ്ടിക്കാട്ടി. വയനാട് ഉരുൾപൊട്ടലിനുശേഷം നൂറ്റാണ്ടിലേറെ പഴക്കമുള്ള മുല്ലപ്പെരിയാർ ഡാമിനെക്കുറിച്ച് കേരളത്തിലെ ജനങ്ങൾ ആശങ്കയിലാണെന്നും ഈയവസരത്തിൽ കേന്ദ്രം ഇടപെട്ട് പരിശോധന നടത്തി മുല്ലപ്പെരിയാർ അണക്കെട്ടുമായി ബന്ധപ്പെട്ട് കേരളവും തമിഴ്നാടും തമ്മിലുള്ള തർക്കം പരിഹരിക്കണമെന്നും എംപി ആവശ്യപ്പെട്ടു. ഇരുസർക്കാരിനും അനുയോജ്യമായ രീതിയിൽ കേരളം മുന്നോട്ടുവച്ച തമിഴ്നാടിന് പുതിയ ഡാം എന്ന ആവശ്യത്തിന്‍റെ കൂടെ കേന്ദ്രമുണ്ടാവണമെന്നും ഹാരിസ് ബീരാൻ രാജ്യസഭയിൽ ആവശ്യപ്പെട്ടു.