വനിതാ ഏഷ്യാ കപ്പ്: ബംഗ്ലാദേശിന് തോല്വി, തുടർച്ചയായ ആറാം തവണ ഇന്ത്യ ഫൈനലിൽ; ഷഫാലിക്ക് അർദ്ധസെഞ്ചുറി
ദുബായ്: വനിതാ ഏഷ്യാ കപ്പ് ക്രിക്കറ്റ് ടൂർണമെന്റിന്റെ ഒന്നാം സെമി ഫൈനലിൽ ബംഗ്ലാദേശിനെ 40 റൺസിന് പരാജയപ്പെടുത്തി ഇന്ത്യൻ വനിതാ ടീം ഫൈനലിൽ കടന്നു. ദുബായ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ നടന്ന മത്സരത്തിൽ ടോസ് നേടി ബാറ്റിംഗിനിറങ്ങിയ ഇന്ത്യ 20 ഓവറിൽ 6 വിക്കറ്റ് നഷ്ടത്തിൽ 149 റൺസെടുത്തു. ഓപ്പണർ ഷഫാലി വർമ്മയുടെ തകർപ്പൻ അർദ്ധസെഞ്ചുറിയാണ് (40 പന്തിൽ 64) ഇന്ത്യൻ ഇന്നിംഗ്സിന് കരുത്തായത്. റിച്ച ഘോഷ് (21), ക്യാപ്റ്റൻ ഹർമൻപ്രീത് കൗർ, ദീപ്തി ശർമ്മ എന്നിവരും മികച്ച സംഭാവന നൽകി.
150 റൺസ് വിജയലക്ഷ്യവുമായി മറുപടി ബാറ്റിംഗിനിറങ്ങിയ ബംഗ്ലാദേശിന് 20 ഓവറിൽ 7 വിക്കറ്റ് നഷ്ടത്തിൽ 109 റൺസെടുക്കാനേ സാധിച്ചുള്ളൂ. 4 ഓവറിൽ 26 റൺസ് വഴങ്ങി 3 വിക്കറ്റ് വീഴ്ത്തിയ ദീപ്തി ശർമ്മയുടെ നേതൃത്വത്തിലുള്ള ഇന്ത്യൻ സ്പിൻ പട ബംഗ്ലാദേശ് ബാറ്റിംഗ് നിരയെ തകർത്തു. 22 റൺസെടുത്ത ഷൊർണ അക്തറാണ് ബംഗ്ലാദേശിന്റെ ഉയർന്ന സ്കോറർ. വിജയത്തോടെ വനിതാ ഏഷ്യാ കപ്പിന്റെ ചരിത്രത്തിൽ തുടർച്ചയായ ആറാം തവണയും ഇന്ത്യ ഫൈനലിൽ പ്രവേശിച്ചു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.