പാലക്കാട് റെയിൽവേ ഡിവിഷൻ വിഭജനം: റെയിൽവേ ബോർഡ് തീരുമാനം പുനഃപരിശോധിക്കണം; പ്രധാനമന്ത്രിക്ക് മുഖ്യമന്ത്രിയുടെ കത്ത്

തിരുവനന്തപുരം: പാലക്കാട് റെയിൽവേ ഡിവിഷനിൽനിന്ന് മംഗളൂരു സ്റ്റേഷൻ ഉൾപ്പെടെയുള്ള പ്രദേശങ്ങൾ സൗത്ത് വെസ്റ്റേൺ റെയിൽവേയുടെ മൈസൂരു ഡിവിഷനിലേക്ക് മാറ്റാനുള്ള റെയിൽവേ ബോർഡിന്റെ തീരുമാനം പുനഃപരിശോധിക്കണമെന്ന് ആവശ്യപ്പെട്ട് മുഖ്യമന്ത്രി വി.ഡി. സതീശൻ പ്രധാനമന്ത്രിക്ക് കത്തയച്ചു.

കേരളത്തിന്റെ റെയിൽവേ അടിസ്ഥാന സൗകര്യ വികസനത്തെയും ഭാവിയിലെ വികസന സാധ്യതകളെയും പ്രതികൂലമായി ബാധിക്കാവുന്ന സുപ്രധാന തീരുമാനമാണിതെന്ന് മുഖ്യമന്ത്രി കത്തിൽ ചൂണ്ടിക്കാട്ടി. ഇത്രയും നിർണായകമായ തീരുമാനമെടുക്കുന്നതിന് മുമ്പ് കേരള സർക്കാരുമായി യാതൊരു കൂടിയാലോചനയും നടത്തിയിട്ടില്ലെന്നും അദ്ദേഹം വ്യക്തമാക്കി.

പാലക്കാട് റെയിൽവേ ഡിവിഷന്റെ പരിധിയിൽ വരുന്ന മംഗളൂരു ഉൾപ്പെടെയുള്ള മേഖലകളുടെ മാറ്റം കേരളത്തിന്റെ റെയിൽവേ വികസന പദ്ധതികളിലും അടിസ്ഥാന സൗകര്യ വികസനത്തിലും പ്രത്യാഘാതങ്ങൾ സൃഷ്ടിക്കാനിടയുണ്ടെന്ന് കത്തിൽ ചൂണ്ടിക്കാട്ടുന്നു.

അതിനാൽ റെയിൽവേ ബോർഡിന്റെ തീരുമാനം അടിയന്തരമായി പുനഃപരിശോധിക്കുകയും കേരളത്തിന്റെ താൽപര്യങ്ങൾ സംരക്ഷിക്കുന്ന തരത്തിൽ തുടർനടപടികൾ സ്വീകരിക്കുകയും ചെയ്യണമെന്ന് മുഖ്യമന്ത്രി പ്രധാനമന്ത്രിയോട് ആവശ്യപ്പെട്ടു.