റേഷൻ കടകളിലെ നീണ്ട ക്യൂവിനും കാത്തിരിപ്പിനും വിരാമമിട്ട് പുതിയ സാങ്കേതികവിദ്യയുമായി ഭക്ഷ്യവകുപ്പ്. ബാങ്ക് എ.ടി.എമ്മുകളുടെ മാതൃകയിൽ പ്രവർത്തിക്കുന്ന 'അന്നപൂർത്തി ഗ്രെയിൻ എ.ടി.എം' (Annapoorthy Grain ATM) പദ്ധതിയിലൂടെ റേഷൻ കാർഡ് ഉടമകൾക്ക് ഇനി എളുപ്പത്തിൽ ഭക്ഷ്യധാന്യങ്ങൾ കൈപ്പറ്റാം. 24 മണിക്കൂറും തടസ്സമില്ലാതെ സേവനം ലഭ്യമാക്കുകയാണ് പദ്ധതിയുടെ പ്രധാന ലക്ഷ്യം.
റേഷൻ കാർഡ് വിവരങ്ങളോ ആധാർ വിവരങ്ങളോ ഒപ്പം ബയോമെട്രിക് വിരലടയാളവും ഉപയോഗിച്ച് വളരെ വേഗത്തിൽ ധാന്യങ്ങൾ ലഭ്യമാക്കുന്ന സംവിധാനമാണിത്. വെറും അഞ്ച് മിനിറ്റിനുള്ളിൽ ഏകദേശം 50 കിലോഗ്രാം വരെ ധാന്യങ്ങൾ നൽകാൻ ഈ യന്ത്രത്തിന് സാധിക്കും. ആദ്യഘട്ടമെന്ന നിലയിൽ തിരുവനന്തപുരത്താണ് പദ്ധതി പരീക്ഷണാടിസ്ഥാനത്തിൽ നടപ്പാക്കുന്നത്. റേഷൻ വിതരണം കൂടുതൽ സുതാര്യവും ജനസൗഹൃദവുമാക്കാനുള്ള സർക്കാരിന്റെ പുതിയ ചുവടുവയ്പ്പാണിത്.
ക്യൂ നിൽക്കേണ്ടതില്ല, ഇനി റേഷൻ 'എ.ടി.എം' വഴി; 'അന്നപൂർത്തി ഗ്രെയിൻ എ.ടി.എം' പദ്ധതിയുമായി സർക്കാർ