കവരത്തി : അഡ്മിനിസ്ട്രേറ്റർ പ്രഫുല് ഖോഡ പട്ടേലിന്റെ സന്ദർശനത്തിന് മുന്നോടിയായി ലക്ഷദ്വീപില് കെട്ടിടങ്ങള് പൊളിച്ചുമാറ്റുന്നു. ശുചീകരണ പ്രവര്ത്തനങ്ങളുടെ പേര് പറഞ്ഞ് ദീർഘകാലമായി പണി പൂർത്തിയാകാത്ത റിസോർട്ടുകളും കോട്ടേജുകളുമാണ് പൊളിച്ചുമാറ്റുന്നത്. അഗത്തിയിൽ മാത്രം 25ൽ അധികം കോട്ടേജുകൾ ഇതുവരെ പൊളിച്ചുമാറ്റി.
ഒരാഴ്ചത്തെ സന്ദര്ശനത്തിനായി അഡ്മിസ്ട്രേറ്റര് തിങ്കളാഴ്ചയാണ് ദ്വീപിലെത്തുന്നത്. അതേസമയം അഡ്മിനിസ്ട്രേറ്ററുടെ സന്ദർശനത്തില് പ്രതിഷേധത്തിലാണ് ദ്വീപ് നിവാസികൾ. അഡ്മിനിസ്ട്രേറ്റർ സന്ദർശനം നടത്തുന്ന തിങ്കളാഴ്ച കരിദിനമായി ആചരിക്കാനാണ് തീരുമാനം.