കോഴിക്കോട്: പേരാമ്പ്ര നിയോജകമണ്ഡലത്തിലെ യുഡിഎഫ് സ്ഥാനാര്‍ത്ഥി ഫാത്തിമ തഹ്ലിയക്കെതിരെ എല്‍ഡിഎഫ് മതസ്പര്‍ധ വളര്‍ത്തുന്ന രീതിയില്‍ പ്രചാരണം നടത്തുന്നുവെന്ന് പരാതി. യുഡിഎഫ് ജില്ലാ ചെയര്‍മാനാണ് എല്‍ഡിഎഫ് പ്രചാരണ വാഹനത്തിലെ അനൗണ്‍സ്മെന്റിന്റെ വീഡിയോ സഹിതം തിരഞ്ഞെടുപ്പ് കമ്മീഷനെ സമീപിച്ചത്. മുസ്ലിം ലീഗ് മതം പറഞ്ഞ് വോട്ട് പിടിക്കുന്നുവെന്നാരോപിച്ച് എല്‍ഡിഎഫ് വാഹനത്തില്‍ നടത്തുന്ന അനൗണ്‍സ്മെന്റാണ് വിവാദമായിരിക്കുന്നത്.
'നമ്മുടെ വോട്ട് നമ്മുടെ ഖൗമിലെ (സമുദായത്തിലെ) കുട്ടിക്ക്' എന്ന് ലീഗ് പ്രചാരണം നടത്തുന്നുവെന്നും ഇത് മതഏകീകരണത്തിന്റെ ചിഹ്നംവിളിയാണെന്നുമാണ് എല്‍ഡിഎഫിന്റെ അനൗണ്‍സ്മെന്റില്‍ പറയുന്നത്. ലീഗിന്റെ ഇത്തരം മതരാഷ്ട്രീയ ധ്രുവീകരണത്തെ ചെറുത്തുതോല്‍പ്പിക്കണമെന്നും അനൗണ്‍സ്മെന്റില്‍ ആഹ്വാനമുണ്ട്. എന്നാല്‍, വടകര ലോക്സഭാ തിരഞ്ഞെടുപ്പ് സമയത്ത് ചര്‍ച്ചയായ 'കാഫിര്‍' സ്‌ക്രീന്‍ഷോട്ട് വിവാദത്തിന്റെ തുടര്‍ച്ചയായാണ് എല്‍ഡിഎഫ് ഇപ്പോള്‍ ഇത്തരം തന്ത്രങ്ങള്‍ പയറ്റുന്നതെന്ന് യുഡിഎഫ് ആരോപിച്ചു.
അതേസമയം, ഇത്തരമൊരു പ്രചാരണത്തെക്കുറിച്ച് നേതൃത്വം അറിഞ്ഞിട്ടില്ലെന്നും ബോധപൂര്‍വ്വം മതസ്പര്‍ധ വളര്‍ത്തുന്ന ഒന്നും ചെയ്തിട്ടില്ലെന്നുമാണ് എല്‍ഡിഎഫ് പ്രതികരണം.
പേരാമ്പ്രയില്‍ മതസ്പര്‍ധ വളര്‍ത്തുന്ന പ്രചാരണമെന്ന് പരാതി; എല്‍ഡിഎഫിനെതിരെ യുഡിഎഫ് തിരഞ്ഞെടുപ്പ് കമ്മീഷനില്‍
Jaihind TV News Report
Jaihind TV Web Desk
Updated Oct 10, 2026
2 min read
33 reads
കോഴിക്കോട്: പേരാമ്പ്ര നിയോജകമണ്ഡലത്തിലെ യുഡിഎഫ് സ്ഥാനാര്‍ത്ഥി ഫാത്തിമ തഹ്ലിയക്കെതിരെ എല്‍ഡിഎഫ് മതസ്പര്‍ധ വളര്‍ത്തുന്ന രീതിയില്‍ പ്രചാരണം നടത്തുന്നുവെന്ന് പരാതി. യുഡിഎഫ് ജില്ലാ ചെയര്‍മാനാണ് എല്‍ഡിഎഫ് പ്രചാരണ വാഹനത്തിലെ അനൗണ്‍സ്മെന്റിന്റെ വീഡിയോ സഹിതം തിരഞ്ഞെടുപ്പ് കമ്മീഷനെ സമീപിച്ചത്. മുസ്ലിം ലീഗ് മതം പറഞ്ഞ് വോട്ട് പിടിക്കുന്നുവെന്നാരോപിച്ച് എല്‍ഡിഎഫ് വാഹനത്തില്‍ നടത്തുന്ന അനൗണ്‍സ്മെന്റാണ് വിവാദമായിരിക്കുന്നത്.
'നമ്മുടെ വോട്ട് നമ്മുടെ ഖൗമിലെ (സമുദായത്തിലെ) കുട്ടിക്ക്' എന്ന് ലീഗ് പ്രചാരണം നടത്തുന്നുവെന്നും ഇത് മതഏകീകരണത്തിന്റെ ചിഹ്നംവിളിയാണെന്നുമാണ് എല്‍ഡിഎഫിന്റെ അനൗണ്‍സ്മെന്റില്‍ പറയുന്നത്. ലീഗിന്റെ ഇത്തരം മതരാഷ്ട്രീയ ധ്രുവീകരണത്തെ ചെറുത്തുതോല്‍പ്പിക്കണമെന്നും അനൗണ്‍സ്മെന്റില്‍ ആഹ്വാനമുണ്ട്. എന്നാല്‍, വടകര ലോക്സഭാ തിരഞ്ഞെടുപ്പ് സമയത്ത് ചര്‍ച്ചയായ 'കാഫിര്‍' സ്‌ക്രീന്‍ഷോട്ട് വിവാദത്തിന്റെ തുടര്‍ച്ചയായാണ് എല്‍ഡിഎഫ് ഇപ്പോള്‍ ഇത്തരം തന്ത്രങ്ങള്‍ പയറ്റുന്നതെന്ന് യുഡിഎഫ് ആരോപിച്ചു.
അതേസമയം, ഇത്തരമൊരു പ്രചാരണത്തെക്കുറിച്ച് നേതൃത്വം അറിഞ്ഞിട്ടില്ലെന്നും ബോധപൂര്‍വ്വം മതസ്പര്‍ധ വളര്‍ത്തുന്ന ഒന്നും ചെയ്തിട്ടില്ലെന്നുമാണ് എല്‍ഡിഎഫ് പ്രതികരണം.
