കേരള പ്ലസ് ടു, വി.എച്ച്.എസ്.ഇ പരീക്ഷാ ഫലം ഇന്ന് പ്രഖ്യാപിക്കും; ഫലമറിയാന് ഈ വെബ്സൈറ്റുകള് സന്ദര്ശിക്കാം
Jaihind TV News Report
Jaihind TV Web Desk
May 26, 2026
1 min read
•
Updated: June 04, 2026
തിരുവനന്തപുരം: സംസ്ഥാനത്തെ ഹയര് സെക്കന്ഡറി (പ്ലസ് ടു), വൊക്കേഷണല് ഹയര് സെക്കന്ഡറി (VHSE) പരീക്ഷാ ഫലങ്ങള് ഇന്ന് ഔദ്യോഗികമായി പ്രഖ്യാപിക്കും. മാര്ച്ച് 6 മുതല് മാര്ച്ച് 28 വരെ നടന്ന പരീക്ഷകളില് ഇത്തവണ നാലര ലക്ഷത്തിലധികം വിദ്യാര്ത്ഥികളാണ് പങ്കെടുത്തത്. ഫലപ്രഖ്യാപനത്തിന് ശേഷം വിദ്യാര്ത്ഥികള്ക്ക് തങ്ങളുടെ റോള് നമ്പറും ജനനത്തീയതിയും ഉപയോഗിച്ച് താഴെ പറയുന്ന ഔദ്യോഗിക വെബ്സൈറ്റുകള് വഴി മാര്ക്കുകള് പരിശോധിക്കാവുന്നതാണ്:
- results.kerala.gov.in
- results.kite.kerala.gov.in
- prd.kerala.gov.in
ഓണ്ലൈന് സ്കോര്കാര്ഡില് ഓരോ വിഷയത്തിനും ലഭിച്ച മാര്ക്ക്, ആകെ മാര്ക്ക്, ഉപരിപഠനത്തിനുള്ള യോഗ്യതാ സ്റ്റാറ്റസ് എന്നിവ ലഭ്യമായിരിക്കും. വെബ്സൈറ്റുകളില് നിന്ന് ഡൗണ്ലോഡ് ചെയ്യുന്ന മാര്ക്ക് ലിസ്റ്റിലെ വിവരങ്ങള് വിദ്യാര്ത്ഥികള് കൃത്യമാണോ എന്ന് പരിശോധിക്കേണ്ടതാണ്. പുനര്മൂല്യനിര്ണ്ണയം, സൂക്ഷ്മപരിശോധന എന്നിവയുമായി ബന്ധപ്പെട്ട തീയതികളും വിവരങ്ങളും ഫലപ്രഖ്യാപനത്തോടൊപ്പം വിദ്യാഭ്യാസ വകുപ്പ് പുറത്തുവിടും.
കഴിഞ്ഞ വര്ഷം മേയ് 22-നാണ് പ്ലസ് ടു ഫലം പ്രഖ്യാപിച്ചത്. 77.81 ശതമാനമായിരുന്നു ആകെ വിജയം. സയന്സ് വിഭാഗത്തില് 83.25 ശതമാനവും, കൊമേഴ്സില് 74.21 ശതമാനവും, ഹ്യുമാനിറ്റീസില് 69.16 ശതമാനവുമായിരുന്നു വിജയശതമാനം. 2024-ല് മേയ് 9-ന് പ്രഖ്യാപിച്ച ഫലത്തില് 78.69% ആയിരുന്നു സംസ്ഥാനത്തെ ആകെ വിജയശതമാനം. കഴിഞ്ഞ വാരങ്ങളില് സിബിഎസ്ഇ പ്ലസ് ടു ഫലവും (85.20%), കേരള ബോര്ഡ് എസ്എസ്എല്സി ഫലവും (99.07%) പ്രഖ്യാപിച്ചിരുന്നു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10