മദ്യ നയം രൂപീകരിക്കുന്നതിനുള്ള ചര്‍ച്ചകള്‍ ഉടന്‍ ആരംഭിക്കുമെന്ന് എക്‌സൈസ് മന്ത്രി എം.ലിജു. ഈ മാസം തന്നെ ചര്‍ച്ച പൂര്‍ത്തിയാക്കി നയം രൂപീകരിക്കുമെന്ന് അദ്ദേഹം പറഞ്ഞു. വീര്യം കുറഞ്ഞ മദ്യ വിഷയത്തില്‍ എല്ലാ വശങ്ങളും പരിശോധിച്ച ശേഷമായിരിക്കും തീരുമാനമെടുക്കുക എന്ന് അദ്ദേഹം പറഞ്ഞു. അഴിമതിക്കെതിരെ ശക്തമായ നിലപാട് സ്വീകരിക്കുക എന്നതാണ് എക്‌സൈസ് നയമെന്നും അദ്ദേഹം വ്യക്തമാക്കി.
യാതൊരുവിധ നിയമവിരുദ്ധ പ്രവര്‍ത്തനവും അനുവദിക്കില്ലെന്നും കോട്ടയത്ത് അടക്കം കണ്ട വീഴ്ചകളില്‍ കര്‍ശന നടപടി സ്വീകരിച്ചെന്നും അദ്ദേഹം പറഞ്ഞു. എക്‌സൈസിനെ മോഡേണ്‍ ഫോഴ്‌സ് ആക്കി മാറ്റുകയാണ് ലക്ഷ്യമെന്നും കഴിഞ്ഞ സര്‍ക്കാര്‍ എക്‌സൈസിന്റെ നവീകരണത്തിന് യാതൊന്നും ചെയ്തിട്ടില്ലെന്നും എം. ലിജു കുറ്റപ്പെടുത്തി.
വീര്യം കുറഞ്ഞ മദ്യം: തീരുമാനം എല്ലാ വശങ്ങളും പരിശോധിച്ച ശേഷമെന്ന് മന്ത്രി എം ലിജു
Jaihind TV News Report
Jaihind TV Web Desk
Updated Oct 13, 2026
1 min read
269 reads
