സൂപ്പര് ലീഗ് കേരള മൂന്നാം സീസണിന് ഇന്ന് തുടക്കമാവും. കണ്ണൂര് ജവഹര് സ്റ്റേഡിയത്തില് നടക്കുന്ന ഉദ്ഘാടന മത്സരത്തില് കണ്ണൂര് വാരിയേഴ്സ് എഫ്സി തൃശൂര് മാജിക് എഫ്സിയെ നേരിടും. രാത്രി 8 മണിക്കാണ് കിക്കോഫ്. ഉദ്ഘാടന മത്സരത്തിന് മുന്നോടിയായി വൈകുന്നേരം 6 മണി മുതല് വിവിധ കലാപരിപാടികളും, ഹാഫ് ടൈം ഷോയില് പ്രശസ്ത റാപ്പര് ഡബ്സീ ഉള്പ്പടെയുള്ളവര് അണിനിരക്കും എന്ന് സൂപ്പര് ലീഗ് കേരള ഹെഡ് ഓഫ് ഓപ്പറേഷന്സ് സജോ ജോസഫ് അറിയിച്ചു.
നിലവിലെ ജേതാക്കളായ കണ്ണൂര് വാരിയേഴ്സ് മികച്ച ടീമിനെയാണ് ഒരുക്കിയിട്ടുള്ളത്. കഴിഞ്ഞ രണ്ട് സീസണില് പരിശീലകനായിരുന്ന മാനുവല് സാഞ്ചസിന് ക്ലബ് വിട്ടതോടെ മുഖ്യപരിശീലക സ്ഥാനത്ത് പരിചയസമ്പന്നനായ റഷ്യന് പരിശീലകന് ആന്ഡ്രേ ചെര്ണിഷോവ് ആണ് മൂന്നാം സീസണില് കണ്ണൂര് വാരിയേഴ്സിനെ പരിശീലിപ്പിക്കുന്നത്. കണ്ണൂര് വാരിയേഴ്സ് ഇത്തവണ ടീമില് 8 കണ്ണൂര് താരങ്ങളെയാണ് ഉള്പെടുത്തിയിട്ടുള്ളത്. ആക്രമണത്തിലും പ്രതിരോധത്തിലും മികച്ച താരങ്ങളാണ് കണ്ണൂര് വാരിയേഴ്സ് നിരയിലുള്ളത്.
സൂപ്പര് ലീഗ് കേരള മൂന്നാം സീസണിന് ഇന്ന് തുടക്കം; ഉദ്ഘാടന പോരാട്ടത്തില് കണ്ണൂര് വാരിയേഴ്സും തൃശൂര് മാജിക് എഫ്സിയും നേർക്കുനേർ
Jaihind TV News Report
Jaihind TV Web Desk
Updated Sep 26, 2026
2 min read
87 reads
