ഐ.എഫ്.എഫ്.കെ. സ്ക്രീനിങ്ങിനിടെ അപമര്യാദയായി പെരുമാറി: സംവിധായകന് പി ടി കുഞ്ഞുമുഹമ്മദിനെതിരെ കേസ്
Jaihind TV News Report
Jaihind TV Web Desk
December 09, 2025
1 min read
•
Updated: June 09, 2026
ഐ.എഫ്.എഫ്.കെ. സ്ക്രീനിങ്ങിനിടെ അപമര്യാദയായി പെരുമാറിയെന്ന ചലച്ചിത്ര പ്രവര്ത്തകയുടെ പരാതിയില് സംവിധായകനും ജൂറി ചെയര്മാനുമായ പി.ടി. കുഞ്ഞുമുഹമ്മദിനെതിരെ പൊലീസ് കേസെടുത്തു. ലൈംഗിക അതിക്രമം നടത്തിയെന്ന വകുപ്പുകള് ചുമത്തിയാണ് എഫ്.ഐ.ആര്. രജിസ്റ്റര് ചെയ്തിരിക്കുന്നത്.
കഴിഞ്ഞ മാസമാണ് ചലച്ചിത്ര പ്രവര്ത്തക മുഖ്യമന്ത്രിക്ക് പരാതി നല്കിയത്. ഈ പരാതി പൊലീസ് തുടര്നടപടിക്കായി കൈമാറുകയായിരുന്നു. പരാതി ലഭിച്ചതിനെ തുടര്ന്ന് പൊലീസ് പരാതിക്കാരിയുടെ മൊഴി രേഖപ്പെടുത്തി. മുഖ്യമന്ത്രിക്ക് നല്കിയ പരാതിയിലെ വിവരങ്ങള് അവര് പൊലീസിനോടും ആവര്ത്തിച്ചു.
തിരുവനന്തപുരത്ത് നടന്ന ഐ.എഫ്.എഫ്.കെ. സ്ക്രീനിങ്ങിന്റെ ഭാഗമായി പരാതിക്കാരിയും പി.ടി. കുഞ്ഞുമുഹമ്മദും നഗരത്തിലെ ഒരു ഹോട്ടലിലാണ് താമസിച്ചിരുന്നത്.
ഹോട്ടലില് വെച്ച് കുഞ്ഞുമുഹമ്മദ് തന്നോട് അപമര്യാദയായി പെരുമാറിയെന്നാണ് ചലച്ചിത്ര പ്രവര്ത്തകയുടെ ആരോപണം.
സ്ക്രീനിങ് സംബന്ധിച്ച കാര്യങ്ങള് സംസാരിക്കാനുണ്ടെന്ന് പറഞ്ഞ് സംവിധായകന് റൂമിലേക്ക് വിളിച്ചുവരുത്തുകയായിരുന്നു. റൂമിലെത്തിയതിന് പിന്നാലെ അദ്ദേഹം കടന്നുപിടിക്കുകയായിരുന്നെന്നും പരാതിയില് പറയുന്നു. കേസെടുത്തതിന് പിന്നാലെ, അന്വേഷണത്തിന്റെ ഭാഗമായി പൊലീസ് ഹോട്ടലിലെ സി.സി.ടി.വി. ദൃശ്യങ്ങള് ഉള്പ്പെടെയുള്ള നിര്ണ്ണായക തെളിവുകള് ശേഖരിച്ചിട്ടുണ്ട്. സംഭവത്തില് വിശദമായ അന്വേഷണം നടന്നുവരികയാണ്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10