സംസ്ഥാനത്ത് കനത്ത മഴ; വിനോദയാത്രകള്ക്ക് പൂര്ണ്ണ വിലക്ക്, വിവിധ ജില്ലകളില് ഓറഞ്ച് അലര്ട്ട്
സംസ്ഥാനത്ത് ഇന്നും നാളെയും മഴ കനക്കുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പു നല്കി. അതിശക്തമായ മഴയ്ക്ക് സാധ്യതയുള്ളതിനാല് ഇന്ന് കണ്ണൂര്, കാസര്ഗോഡ് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട് ജില്ലകളില് ശക്തമായ മഴയ്ക്കു സാധ്യതയുള്ളതിനാല് ഇന്ന് മഞ്ഞ അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കണ്ണൂര്, കാസര്ഗോഡ് ജില്ലകളില് നാളെ മഞ്ഞ അലര്ട്ട് നിലവിലുണ്ട്. ഇടിമിന്നലോടു കൂടിയ മഴയ്ക്കാണ് സാധ്യത.
ശ്രദ്ധിക്കേണ്ട കാര്യങ്ങള്;
ഉരുള്പൊട്ടല്, മണ്ണിടിച്ചില്, മലവെള്ളപ്പാച്ചില് സാധ്യതയുള്ള പ്രദേശങ്ങളില് താമസിക്കുന്നവര് അധികൃതരുടെ നിര്ദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണം. നദിക്കരകള്, അണക്കെട്ടുകളുടെ കീഴ്പ്രദേശങ്ങള് എന്നിവിടങ്ങളില് താമസിക്കുന്നവരും അപകടസാധ്യത മുന്കൂട്ടി കണ്ട് അധികൃതരുടെ നിര്ദേശാനുസരണം മാറി താമസിക്കേണ്ടതാണ്.
ക്യാമ്പുകളിലേക്ക് മാറണം: ദുരന്തസാധ്യത പ്രദേശങ്ങളില് ഉള്ളവര് തങ്ങളുടെ പ്രദേശത്ത് ക്യാമ്പുകള് തുറന്നു എന്ന് ഉറപ്പാക്കേണ്ടതും, രാത്രിയാകുന്നതിന് മുന്പ് പകല് സമയത്ത് തന്നെ സുരക്ഷിത സ്ഥാനങ്ങളിലേക്ക് മാറി താമസിക്കേണ്ടതുമാണ്. ഇതിനായി തദ്ദേശ സ്ഥാപനങ്ങളുമായോ റവന്യൂ അധികാരികളുമായോ ബന്ധപ്പെടാം.
അടച്ചുറപ്പില്ലാത്ത വീടുകള്: ശക്തമായ കാറ്റിന് സാധ്യതയുള്ളതിനാല് മേല്ക്കൂര ശക്തമല്ലാത്തതും അടച്ചുറപ്പില്ലാത്തതുമായ വീടുകളില് താമസിക്കുന്നവര് പ്രത്യേക ജാഗ്രത പുലര്ത്തണം.
യാത്രകള് ഒഴിവാക്കുക: മഴ ശക്തമാകുമ്പോള് അത്യാവശ്യമല്ലാത്ത യാത്രകള് പൂര്ണ്ണമായും ഒഴിവാക്കുക. വെള്ളച്ചാട്ടങ്ങള്, ജലാശയങ്ങള്, മലയോര മേഖലകള് എന്നിവിടങ്ങളിലേക്കുള്ള വിനോദയാത്രകള്ക്ക് മഴ മുന്നറിയിപ്പ് മാറുന്നത് വരെ പൂര്ണ്ണ വിലക്കുണ്ടാകും.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.