ഇന്റർനെറ്റിന് ഇനി അതിവേഗം; ജിസാറ്റ് 11 വിക്ഷേപണം വിജയകരം
Jaihind TV News Report
Jaihind TV Web Desk
December 05, 2018
1 min read
•
Updated: June 04, 2026
ഇന്ത്യയുടെ ഏറ്റവും ഭാരമേറിയ വാർത്ത വിതരണ ഉപഗ്രഹം ജിസാറ്റ് 11 വിജയകരമായി വിക്ഷേപിച്ചു. ഫ്രഞ്ച് ഗയാനയിലെ കൗറൂവിൽ നിന്ന് പുലർച്ചെ മൂന്നരയോടെയാണ് ജിസാറ്റ് 11 വിക്ഷേപിച്ചത്. ഗ്രാമീണ മേഖലയുടെ ഇന്റർനെറ്റ് വേഗം കൂട്ടുകയാണ് ഉപഗ്രഹത്തിന്റെ പ്രാഥമിക ലക്ഷ്യം.
എരിയൻ-5 റോക്കറ്റാണ് ഉപഗ്രഹത്തെ ഭ്രമണപഥത്തിൽ എത്തിച്ചത്. ഭാരമേറിയ ഉപഗ്രഹങ്ങളെ വിജയകരമായി ഭ്രമണപഥത്തിലെത്തിച്ച മികച്ച ട്രാക്ക് റെക്കോർഡാണ് ഏരിയൻ 5 റോക്കറ്റിനുള്ളത്. വലിയ പക്ഷി എന്ന ഓമനപ്പേരുള്ള ഉപഗ്രഹത്തിന് 5,845 കിലോഗ്രാം ഭാരമുണ്ട്. കെഎ, കെയു ബാൻഡുകളിൽ 12 ജിബിപിഎസ് ഇന്റർനെറ്റ് ബ്രോഡ്ബാൻഡ് സേവനം നൽകാൻ ഉദ്ദേശിച്ചുള്ളതാണ് ഇത്.
റേഡിയോ സിഗ്നൽ സ്വീകരിക്കുകയും പുറത്തുവിടുകയും ചെയ്യുന്ന 40 ട്രാൻസ്പോണ്ടറുകൾ ഉപഗ്രഹത്തിലുണ്ട്. ഈ ഉപഗ്രഹത്തിനും വിക്ഷേപണത്തിനുമായി 1,117 കോടി രൂപയാണ് ചെലവായത്. ഗ്രാമീണമേഖലയുടെ ഇന്റർനെറ്റ് വേഗം കൂട്ടുകയാണ് ജിസാറ്റ് 11ന്റെ ലക്ഷ്യം. ഈ ശ്രേണിയിൽപ്പെട്ട ജിസാറ്റ് -19, ജിസാറ്റ് -29 എന്നീ ഉപഗ്രഹങ്ങൾ നേരത്തെ വിക്ഷേപിച്ചിരുന്നു. 2019ൽ ജിസാറ്റ്-20 ഐഎസ്ആർഒ വിക്ഷേപിക്കും.
https://youtu.be/sO0hRy6eipk
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10