തെരഞ്ഞെടുപ്പ് കോഴക്കേസ്: സുരേന്ദ്രന് നോട്ടീസ്, നാളെ ചോദ്യം ചെയ്യലിന് ഹാജരാകണം
Jaihind TV News Report
Jaihind TV Web Desk
September 15, 2021
1 min read
•
Updated: June 10, 2026
കാസർഗോഡ്: മഞ്ചേശ്വരം തെരഞ്ഞെടുപ്പ് കോഴക്കേസിൽ ബിജെപി സംസ്ഥാന അധ്യക്ഷൻ കെ സുരേന്ദ്രന് ചോദ്യം ചെയ്യലിന് ഹാജരാകാൻ നിർദേശം. നാളെ നേരിട്ട് ഹാജരാകണമെന്നാണ് കാസർഗോഡ് ജില്ലാ ക്രൈംബ്രാഞ്ച് നോട്ടീസ് നൽകിയത്.
കേസ് രജിസ്റ്റർ ചെയ്ത് മൂന്ന് മാസങ്ങൾക്കുശേഷമാണ് കെ സുരേന്ദ്രനോട് ചോദ്യം ചെയ്യലിന് ഹാജരാകാൻ നിർദ്ദേശം നൽകിയിരിക്കുന്നത്. മഞ്ചേശ്വരത്തെ ഇടതുസ്ഥാനാർഥിയായിരുന്ന വി.വി രമേശൻ നൽകിയ പരാതിയിലാണ് കാസർഗോഡ് ഫസ്റ്റ് ക്ലാസ് മജിസ്ട്രേറ്റ് കോടതി കെ സുരേന്ദ്രനെ പ്രതിചേർക്കാൻ അനുമതി നൽകിയത്. ബദിയടുക്ക പൊലീസ് ജൂൺ 7 ന് കേസ് രജിസ്റ്റര് ചെയ്തു. അന്വേഷണം ജില്ലാ ക്രൈംബ്രാഞ്ചിന് വിട്ട് മൂന്ന് മാസങ്ങൾക്ക് ശേഷമാണ് ബിജെപി സംസ്ഥാന അധ്യക്ഷനെ ചോദ്യം ചെയ്യാൻ നോട്ടീസ് നൽകിയത്. ജില്ലാ ക്രൈംബ്രാഞ്ച് ആസ്ഥാനത്ത് നാളെ നേരിട്ട് ഹാജരാകണമെന്നാണ് നോട്ടീസ്.
അതേസമയം സുരേന്ദ്രൻ നാളെ ഹാജരായേക്കാന് സാധ്യതയില്ല. ശനിയാഴ്ചക്കകം ചോദ്യം ചെയ്യലിന് ഹാജരാകാമെന്ന് സുരേന്ദ്രൻ അന്വേഷണ ഉദ്യോഗസ്ഥരെ അറിയിച്ചതായാണ് സൂചന.
സ്ഥാനാര്ത്ഥിത്വം പിന്വലിക്കാന് പണം ലഭിച്ചെന്ന് വെളിപ്പെടുത്തിയ കെ. സുന്ദരയുടെയും ബന്ധുക്കളുടെയും രഹസ്യ മൊഴി നേരത്തെ കോടതി രേഖപ്പെടുത്തിയിരുന്നു. സുരേന്ദ്രനുമായി അടുത്ത ബന്ധം പുലര്ത്തുന്ന സുനില് നായ്ക്, മഞ്ചേശ്വരത്ത് തെരഞ്ഞെടുപ്പ് ചുമതലയുണ്ടായിരുന്ന ബാലകൃഷ്ണ ഷെട്ടി എന്നിവരുള്പ്പെടെയുള്ള ബിജെപി പ്രവര്ത്തകരുടെയും മൊഴിയെടുത്തിരുന്നു. ഏറ്റവും ഒടുവിലാണ് ക്രൈം ബ്രാഞ്ച് സുരേന്ദ്രന് ചോദ്യം ചെയ്യലിന് ഹാജരാകാൻ നോട്ടീസ് നൽകിയത്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10