നിയമസഭ ലക്ഷ്യമിട്ട് യുഡിഎഫ്; തന്ത്രങ്ങൾ മെനയാൻ കേരള നേതാക്കൾ ഇന്ന് ഡൽഹിയിൽ
തദ്ദേശ സ്വയംഭരണ തിരഞ്ഞെടുപ്പിൽ നേടിയ ഉജ്ജ്വല വിജയത്തിന്റെ ആത്മവിശ്വാസത്തിൽ, കേരളത്തിലെ കോൺഗ്രസ് നേതൃത്വം നിയമസഭാ തിരഞ്ഞെടുപ്പ് ഒരുക്കങ്ങളിലേക്ക് കടക്കുന്നു. ഇതിന്റെ ഭാഗമായി കെപിസിസി അധ്യക്ഷൻ സണ്ണി ജോസഫ്, പ്രതിപക്ഷ നേതാവ് വി.ഡി. സതീശൻ എന്നിവരടങ്ങുന്ന ഉന്നതതല സംഘം ഇന്ന് ഡൽഹിയിലെത്തും. എഐസിസി അധ്യക്ഷൻ മല്ലികാർജ്ജുൻ ഖർഗെ, ലോക്സഭാ പ്രതിപക്ഷ നേതാവ് രാഹുൽ ഗാന്ധി എന്നിവരുമായി നേതാക്കൾ കൂടിക്കാഴ്ച നടത്തും.
നിയമസഭാ തിരഞ്ഞെടുപ്പിലെ സ്ഥാനാർത്ഥി നിർണ്ണയവുമായി ബന്ധപ്പെട്ട പ്രാഥമിക ചർച്ചകൾ ഈ യോഗത്തിൽ നടക്കും. യുവാക്കൾക്കും പുതുമുഖങ്ങൾക്കും അർഹമായ പരിഗണന നൽകിക്കൊണ്ട് വിജയസാധ്യതയുള്ള പട്ടിക തയ്യാറാക്കാനാണ് ഹൈക്കമാൻഡ് നിർദ്ദേശം. തദ്ദേശ തിരഞ്ഞെടുപ്പിലെ കണക്കുകൾ പരിശോധിച്ചുകൊണ്ട് ഓരോ മണ്ഡലത്തിലെയും രാഷ്ട്രീയ സാഹചര്യങ്ങൾ നേതാക്കൾ കേന്ദ്ര നേതൃത്വത്തെ ധരിപ്പിക്കും.
സംസ്ഥാനത്ത് നിലനിൽക്കുന്ന ശക്തമായ ഭരണവിരുദ്ധ വികാരം നിയമസഭാ തിരഞ്ഞെടുപ്പിലും അനുകൂലമാക്കി മാറ്റാനുള്ള പ്രത്യേക കർമ്മപദ്ധതിക്ക് യോഗം രൂപം നൽകും. എൽഡിഎഫ് സർക്കാരിനെതിരെയുള്ള അഴിമതി ആരോപണങ്ങളും നയതന്ത്ര പരാജയങ്ങളും ജനങ്ങളിലേക്ക് എത്തിക്കുന്നതിനായുള്ള പ്രചാരണ പരിപാടികൾക്ക് ഹൈക്കമാൻഡ് അംഗീകാരം നൽകും
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.