വിസ്മയ കേസില്‍ കിരൺകുമാറിന് സുപ്രീം കോടതി ജാമ്യം

കോളിളക്കം സൃഷ്ടിച്ച കൊല്ലത്തെ വിസ്മയ കേസ് പ്രതി കിരൺകുമാറിന് സുപ്രിം കോടതി ജാമ്യം അനുവദിച്ചു. ജസ്റ്റിസ് എസ് കെ കൗൾ അധ്യക്ഷനായ ബഞ്ചാണ് കിരൺകുമാറിന് ജാമ്യം അനുവദിച്ചത്. കൊല്ലം അഡിഷണൽ സെഷൻസ് കോടതിയിൽ കേസിന്‍റെ വിചാരണ തുടരുന്നതിനിടെയാണ് കിരൺകുമാറിന് ജാമ്യം ലഭിച്ചത് . കഴിഞ്ഞ വർഷം ജൂൺ 21 നാണ് ശാസ്താംകോട്ടയ്ക്കു സമീപമുള്ള കിരൺകുമാറിന്‍റെ വസതിയിലെ കുളിമുറിയിൽ വിസ്മയയെ തൂങ്ങി മരിച്ച നിലയിൽ കണ്ടെത്തിയത്. ഇതേ തുടർന്ന് കിരൺകുമാർ അറസ്റ്റിലാവുകയായിരുന്നു. നേരത്തെ ജില്ലാ കോടതിയും ഹൈക്കോടതിയും നിരവധി തവണ കിരണിന്റെ ജാമ്യാപേക്ഷ തള്ളിയിരുന്നു . ഇതേ തുടർന്നാണ് കിരൺ സുപ്രിം കോടതിയെ സമീപിച്ചത് .കേസിനെ തുടർന്ന് അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ ആയ പ്രതി കിരൺകുമാറിനെ സർവ്വിസിൽ നിന്നും സർക്കാർ പിരിച്ച് വിട്ടിരുന്നു