മാധ്യമപ്രവർത്തകൻ ജിജോ ജോൺ പുത്തേഴത്തിനെതിരായ സൈബർ ആക്രമണം: കർശന നടപടിക്ക് ആഭ്യന്തരമന്ത്രി രമേശ് ചെന്നിത്തലയുടെ നിർദ്ദേശം
തിരുവനന്തപുരം: അന്തരിച്ച മാധ്യമപ്രവർത്തകൻ ജിജോ ജോൺ പുത്തേഴത്തിനും അദ്ദേഹത്തിന്റെ കുടുംബത്തിനുമെതിരെ സോഷ്യൽ മീഡിയയിലൂടെ നടക്കുന്ന വ്യാജ പ്രചാരണങ്ങളിലും സൈബർ ആക്രമണങ്ങളിലും കടുത്ത നടപടിയെടുക്കാൻ ആഭ്യന്തരമന്ത്രി രമേശ് ചെന്നിത്തല ഉത്തരവിട്ടു. സൈബർ വിഭാഗം ഐ.ജിക്ക് ഇതുസംബന്ധിച്ച് വ്യക്തമായ നിർദ്ദേശം നൽകിയിട്ടുണ്ട്. അന്തരിച്ച മനോരമ ലേഖകൻ ജിജോ ജോൺ പുത്തേഴത്തെ അപകീർത്തിപ്പെടുത്തുന്ന രീതിയിൽ പോസ്റ്റുകൾ ഷെയർ ചെയ്തവർക്കെതിരെ വിട്ടുവീഴ്ചയില്ലാത്ത നടപടിയുണ്ടാകും.
മുൻകാലങ്ങളിൽ അദ്ദേഹം ചെയ്ത അന്വേഷണാത്മക വാർത്തകളുടെ പേരിലുള്ള രാഷ്ട്രീയ വൈരാഗ്യമാണ് ഈ നിന്ദ്യമായ അധിക്ഷേപങ്ങൾക്ക് പിന്നിലെന്നാണ് പ്രാഥമിക വിലയിരുത്തൽ. മരണശേഷവും ഒരു മാധ്യമപ്രവർത്തകനെയും കുടുംബത്തെയും രാഷ്ട്രീയ ലക്ഷ്യങ്ങളോടെ വേട്ടയാടുന്നത് വച്ചുപൊറുപ്പിക്കില്ലെന്നും, കുറ്റക്കാരെ കണ്ടെത്തി മാതൃകാപരമായി ശിക്ഷിക്കുമെന്നും ആഭ്യന്തരമന്ത്രി വ്യക്തമാക്കി.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.