പിസി ജോർജ്ജ് അറസ്റ്റ് ചോദിച്ചു വാങ്ങിയതാണ്; സംഘപരിവാറിന്‍റെ ആയധമായത് ഖേദകരം : രമേശ് ചെന്നിത്തല

തിരുവനന്തപുരം : പിസി ജോർജ് ചോദിച്ചു വാങ്ങിയതാണ് അറസ്റ്റെന്ന്  രമേശ് ചെന്നിത്തല .മതമൈത്രിക്ക് പേരു കേട്ട നാടാണു കേരളം. പരസ്പരസ്നേഹത്തോടെയും പരസ്പരവിശ്വാസത്തോടെയും പരസ്പര സഹകരണത്തോടെയുമാണ് എല്ലാ മതവിഭാഗങ്ങളിൽപ്പെട്ടവരും ഇവിടെ കഴിയുന്നത്. ഇവിടം വർഗീയതയ്ക്കു വളക്കൂറുള്ള മണ്ണാകാത്തതും അതുകൊണ്ടാണ്. അങ്ങനെയുള്ള കേരളത്തിൽ മതസ്പർദ്ധയുടെ വിത്തിടുന്ന തരത്തിലുള്ള ഒരു പ്രസംഗം പി.സി.ജോർജ്ജിനെപ്പോലെ രാഷ്ട്രീയപാരമ്പര്യമുള്ള ഒരാളിൽനിന്ന് ഒരിക്കലും ഉണ്ടാകരുതായിരുന്നുവെന്നും അദ്ദേഹം പറഞ്ഞു. സംഘപരിവാർ വർഗ്ഗീയശക്തികൾക്ക് പ്രോത്സാഹനം പകരാനേ ഇത്തരം പ്രസംഗങ്ങൾ ഉപകരിക്കൂ. പി.സി. ജോർജ് അവരുടെ കയ്യിലെ ആയുധമായത് ഖേദകരമാണ്. പി സി ജോർജ് നടത്തിയ ഈ പ്രസംഗം പൊതു സമൂഹം അവജ്ഞയോടെ തളളിക്കളയുമെന്നും രമേശ് ചെന്നിത്തല പറഞ്ഞു.