വ്യാപാര സ്ഥാപനം സിഐടിയു പൂട്ടിച്ച സംഭവത്തില്‍ പ്രതിഷേധമുയരുന്നു

മാതമംഗലം മോഡൽ തൊഴിലാളി സമരത്തെ തുടർന്ന് പേരാമ്പ്രയിൽ പ്രവാസിയുടെ സ്ഥാപനം അടച്ചുപൂട്ടിയതിനെതിരെ പ്രതിഷേധം ശക്തമാകുന്നു. സ്ഥാപന ഉടമയുടെ കുടുംബത്തെ പോലും സമ്മർദത്തിലാക്കുന്ന രാഷ്ട്രീയ നിലപാടുകളെ തുടർന്നാണ് കട അടച്ചു പൂട്ടിയതെന്ന് കട ഉടമയായ ബിജു വ്യക്തമാക്കി. കോഴിക്കോട് പേരാമ്പ്ര ചേനോളി റോഡിൽ പ്രവർത്തിക്കുന്ന സീകെ മെറ്റീരിയൽസ് എന്ന സ്ഥാപനമാണ് സിഐടിയു തൊഴിലാളികളുടെ പ്രതിഷേധത്തെ തുടർന്ന് അടച്ചു പൂട്ടിയത്. തൊഴിലാളി യൂണിയൻ നടത്തുന്ന സമരവും ഉടമയുടെ കുടുംബത്തെ സമ്മർദ്ദത്തിലാക്കുന്ന രാഷ്ട്രീയ നിലപാടുകളും കാരണമാണ് സ്ഥാപനം അടച്ചുപൂട്ടാൻ കാരണമായതെന്ന് പ്രവാസിയായ ഉടമ സീകെ ബിജു പറഞ്ഞു. കഴിഞ്ഞ 18 ദിവസമായി സികെ മെറ്റീരിയൽസിന് മുന്നിൽ പേരാമ്പ്ര ടൗൺ സംയുക്ത യൂണിയനുകൾ സമരം നടത്തി വരികയായിരുന്നു. കഴിഞ്ഞ ദിവസം പേരാമ്പ്ര എംഎല്‍എ യും സിഐടിയു നേതാവ് ടികെ ലോഹിദാക്ഷനും സികെ ബിജുവും ചർച്ച നടത്തിയെങ്കിലും അനുകൂല നിലപാട് ലഭിക്കാത്തതിനാൽ ചർച്ച പരാജയപ്പെടുകയായിരുന്നു. സ്ഥാപനത്തിനു പ്രവർത്തിക്കാൻ കഴിയാത്ത സാഹചര്യം ആയതിനാൽ സീ.കെ മെറ്റീരിയൽസിന്‍റെ മറ്റു  സ്ഥാപനങ്ങളും അടുത്ത ദിവസങ്ങളിൽ അടച്ചു പൂട്ടുമെന്ന് ഉടമ അറിയിച്ചു. എന്നാൽ ചേനോളി റോഡിൽ സ്ഥാപനം ആരംഭിച്ചതു മുതൽ സംയുക്ത തൊഴിലാളികളാണ് സാധനം ഇറക്കിയിരുന്നതെന്നും അത് അനുവദിക്കണമെന്ന് മാണ് സമരക്കാരുടെ ആവശ്യം.