മെറ്റയുടെ മറുപടി എത്തി: വാർത്തകൾ നീക്കം ചെയ്തതിൽ സർക്കാരിന് പങ്കില്ല; നുണപ്രചാരണങ്ങൾ പൊളിഞ്ഞു
സർക്കാരിനെതിരെയുള്ള വാർത്തകൾ സാമൂഹിക മാധ്യമങ്ങളിൽ നിന്ന് നീക്കം ചെയ്തു എന്ന തരത്തിൽ ഉയർന്നുവന്ന പ്രചാരണങ്ങൾ പൂർണ്ണമായും അസത്യമാണെന്ന് തെളിഞ്ഞു. മാധ്യമ വാർത്തകൾ നീക്കം ചെയ്യാനായി കേരള സർക്കാരോ പൊലീസോ കോടതിയോ തങ്ങളോട് ആവശ്യപ്പെട്ടിട്ടില്ലെന്ന് മെറ്റ കേരള പൊലീസിന് രേഖാമൂലം വ്യക്തമായ മറുപടി നൽകി. വാർത്തകൾ നീക്കം ചെയ്യുന്നതിനായി പൊലീസിൽ നിന്നോ കോടതിയിൽ നിന്നോ യാതൊരുവിധ ഔദ്യോഗിക ഉത്തരവുകളോ പരാതികളോ ലഭിച്ചിട്ടില്ലെന്നാണ് കമ്പനി വ്യക്തമാക്കിയത്.
സാങ്കേതികമായ ഓട്ടോമേറ്റഡ് പിഴവ് (Automated technical glitch) മൂലമാണ് ഇത്തരം പോസ്റ്റുകൾ തടസ്സപ്പെട്ടതെന്നും, നീക്കം ചെയ്യപ്പെട്ട 16 വാർത്തകളും ഇതിനോടകം പുനഃസ്ഥാപിച്ചിട്ടുണ്ടെന്നും കമ്പനി അറിയിച്ചു. വിഷയവുമായി ബന്ധപ്പെട്ട് കേരള പൊലീസ് സൈബർ ഡിവിഷൻ ബിഎസ്ഐഡെസ് പ്രതിനിധിയായ ബിഎസ്ഐഡെസ് കേരള സൈബർ ഓപ്പറേഷൻസ് എസ്.പി അങ്കിത് അശോകൻ ചോദിച്ച 7 പ്രധാന ചോദ്യങ്ങൾക്കാണ് മെറ്റ ഔദ്യോഗികമായി മറുപടി നൽകിയത്. ഇതോടെ വിഷയം രാഷ്ട്രീയ ലാഭത്തിനായി ഉപയോഗിച്ചവരുടെ വ്യാജ അവകാശവാദങ്ങൾ പൊളിയുകയായിരുന്നു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.