തിരുവനന്തപുരം: സംസ്ഥാനത്ത് നവരാത്രി ആഘോഷങ്ങളുടെ ഭാഗമായി തിങ്കളാഴ്ചയും (ഒക്ടോബർ 19) പൊതു അവധി പ്രഖ്യാപിച്ച് സർക്കാർ ഉത്തരവിറക്കി. ഞായറാഴ്ച ഉൾപ്പെടെ തുടർച്ചയായി നാല് ദിവസങ്ങളിൽ സർക്കാർ ഓഫീസുകൾക്കും സ്ഥാപനങ്ങൾക്കും അവധി ലഭിക്കുന്ന രീതിയിലാണ് പുതുക്കിയ അവധി ദിനങ്ങൾ ക്രമീകരിച്ചിരിക്കുന്നത്. ഒക്ടോബർ 18, 19, 20, 21 എന്നീ ദിവസങ്ങളിലായിരിക്കും അവധി ബാധകമാവുക.
എല്ലാ സർക്കാർ, അർധസർക്കാർ, പൊതുമേഖലാ സ്ഥാപനങ്ങൾക്കും നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന ബാങ്കുകൾ ഉൾപ്പെടെയുള്ള സ്ഥാപനങ്ങൾക്കും ഈ അവധി ബാധകമാണ്. കൂടാതെ, പ്രൊഫഷണൽ കോളജുകൾ ഉൾപ്പെടെയുള്ള സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും തിങ്കളാഴ്ച അവധിയായിരിക്കുമെന്ന് സർക്കാർ പുറപ്പെടുവിച്ച ഔദ്യോഗിക ഉത്തരവിൽ വ്യക്തമാക്കിയിട്ടുണ്ട്.
നവരാത്രി ആഘോഷം: തിങ്കളാഴ്ചയും പൊതു അവധി പ്രഖ്യാപിച്ച് സർക്കാർ; തുടർച്ചയായി നാല് ദിനം അവധി
Jaihind TV News Report
Jaihind TV Web Desk
1 min read
48 reads
