Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

സ്വയം തിരിച്ചറിയാനുള്ള യാത്ര; ‘എന്നിലേക്കൊരു യാത്ര’

സ്വയം തിരിച്ചറിയാനുള്ള യാത്ര; ‘എന്നിലേക്കൊരു യാത്ര’

തിരുവനന്തപുരം: ‘എന്നെക്കുറിച്ച് ഞാൻ ചിന്തിക്കാറുണ്ടോ?’ എന്ന ചോദ്യത്തിൽ നിന്ന് രൂപംകൊണ്ട ‘എന്നിലേക്കൊരു യാത്ര’ എന്ന ഗാനം ആത്മദർശനത്തിന്റെ വേറിട്ടൊരു അനുഭവമാണ് പങ്കുവയ്ക്കുന്നത്. സ്വന്തം ജീവിതത്തിലേക്ക് തിരിഞ്ഞുനോക്കാനും, നമ്മളെത്തന്നെ തിരിച്ചറിയാനും പ്രേരിപ്പിക്കുന്ന ഗാനത്തിന്റെ ആശയം ആത്മപരിശോധനയിലേക്കാണ് ശ്രോതാവിനെ നയിക്കുന്നത്.

ബാല്യം, കൗമാരം, യൗവനം തുടങ്ങി ജീവിതത്തിന്റെ വിവിധ ഘട്ടങ്ങളിൽ നമ്മൾ നേരിടുന്ന വെല്ലുവിളികളും എടുക്കുന്ന നിർണായക തീരുമാനങ്ങളും നേടുന്ന വിജയങ്ങളും നേരിടുന്ന പരാജയങ്ങളുമെല്ലാം ഒരിക്കൽ സ്വസ്ഥമായി ഇരുന്ന് ഓർത്തുനോക്കേണ്ടതിന്റെ ആവശ്യകതയാണ് ഗാനം മുന്നോട്ടുവയ്ക്കുന്നത്. മറ്റുള്ളവരെക്കുറിച്ച് ചിന്തിക്കുന്നതിനിടയിൽ ‘ഞാൻ എന്ന വ്യക്തിയെക്കുറിച്ച് ഞാൻ ചിന്തിക്കാറുണ്ടോ?’ എന്ന ചോദ്യം പലപ്പോഴും നാം മറന്നുപോകുന്നു.

അവനവനെക്കുറിച്ചുള്ള ചിന്തയും ആത്മദർശനവും അഥവാ Self Realisation എന്ന ആശയവുമാണ് ഗാനത്തിന്റെ കാതൽ. മഹാകവി രവീന്ദ്രനാഥ ടാഗോർ മുന്നോട്ടുവച്ചതുപോലെ, ഒരിക്കലെങ്കിലും നമ്മളിലേക്ക് തന്നെ ഒരു തീർത്ഥാടനം നടത്തേണ്ടതുണ്ട് എന്ന ചിന്തയ്ക്കുള്ള പ്രേരണ കൂടിയാണ് ഈ ഗാനം. ജീവിതത്തിന്റെ തിരക്കുകളിൽ നിന്ന് മാറിനിന്ന് സ്വന്തം ഉള്ളിലേക്ക് ഒരു യാത്ര നടത്താനുള്ള ക്ഷണമായി ഗാനം മാറുന്നു.

ഡോ. ടി. സുരേഷ് കുമാറാണ് ഗാനത്തിന് വരികൾ ഒരുക്കിയിരിക്കുന്നത്. കൊന്നിയൂർ പ്രമോദാണ് സംഗീതം. പ്രൊഫ. കെ. ഗോപാലകൃഷ്ണനാണ് ഗാനം ആലപിച്ചിരിക്കുന്നത്. അരുൺ ദേവാണ് DOP, എഡിറ്റിംഗ്, സംവിധാനം എന്നിവ നിർവഹിച്ചിരിക്കുന്നത്. ഷംനാദ് എസ്. ക്യാമറ അസോസിയേറ്റായും കളറിസ്റ്റായും പ്രവർത്തിച്ചു. എസ്.എസ്. ഡിജിറ്റലിലാണ് റെക്കോർഡിംഗ്. പ്രൊഫ. കെ. ഗോപാലകൃഷ്ണനാണ് ഗാനത്തിന്റെ നിർമ്മാതാവ്.

സ്വന്തം ജീവിതത്തിലേക്ക് തിരിഞ്ഞുനോക്കാനും, കടന്നുവന്ന വഴികളെ വിലയിരുത്താനും, ‘ഞാൻ ആരാണ്?’ എന്ന ചോദ്യത്തിലേക്ക് സ്വയം എത്തിച്ചേരാനും പ്രേരിപ്പിക്കുന്ന ‘എന്നിലേക്കൊരു യാത്ര’ ഇതിനകം ശ്രദ്ധ നേടുകയാണ്.

Related articles

See all
Popular News

ബ്ലാക്ക് ആൻഡ് വൈറ്റ് ചിത്രവും 'കിളിയേ കിളിയേ' ഗാനവും; മകൾ അർഹയുടെ പിറന്നാൾ ആഘോഷമാക്കി അല്ല...

Popular News

ഉയരങ്ങള്‍ താണ്ടി 'ആകാശംലോ ഒക താര'; കേരളത്തില്‍ 115 ല്‍ നിന്ന് 155 സ്‌ക്രീനുകളിലേക്ക് ദുല്‍...

Popular News

ചെന്നൈയില്‍ അനിരുദ്ധ് - കാവ്യ വിവാഹ വിരുന്നിനെത്തി മുഖ്യമന്ത്രി വി.ഡി. സതീശന്‍; ഒപ്പം മകള്...

Popular News

അനിരുദ്ധ് - കാവ്യ വിവാഹ സല്‍ക്കാരം ചെന്നൈയില്‍; ആശംസകളുമായി സിനിമ-രാഷ്ട്രീയ-ക്രിക്കറ്റ് പ്...

Save your stories

Sign in