സി. രാധാകൃഷ്ണന് മാക്ടയുടെ വിശിഷ്ടാംഗത്വം; ആദരിക്കൽ ഓഗസ്റ്റ് 20ന്
പ്രമുഖ സാഹിത്യകാരനും ചലച്ചിത്രകാരനുമായ സി. രാധാകൃഷ്ണനെ മലയാളം സിനി ടെക്നീഷ്യൻസ് അസോസിയേഷൻ (മാക്ട) വിശിഷ്ടാംഗത്വം നൽകി ആദരിക്കും. ഓഗസ്റ്റ് 20ന് രാവിലെ 11ന് എറണാകുളം കലൂർ ആസാദ് റോഡിലെ ആശ്രമം ലൈനിലുള്ള സി. രാധാകൃഷ്ണന്റെ വസതിയിൽ വച്ചാണ് ആദരിക്കൽ ചടങ്ങ്.
പ്രമുഖ ചലച്ചിത്ര പ്രവർത്തകരുടെ സാന്നിധ്യത്തിൽ മാക്ട ഭാരവാഹികളും പ്രവർത്തകരും ചേർന്നാണ് സി. രാധാകൃഷ്ണന് സംഘടനയുടെ വിശിഷ്ടാംഗത്വം സമ്മാനിക്കുക.
‘അഗ്നി’, ‘ഒറ്റയടിപ്പാതകൾ’, ‘പുഷ്യരാഗം’, ‘കനലാട്ടം’ തുടങ്ങിയ ചിത്രങ്ങളുടെ രചയിതാവും സംവിധായകനുമായ സി. രാധാകൃഷ്ണൻ മലയാള സിനിമയിൽ ശ്രദ്ധേയമായ സംഭാവനകൾ നൽകിയിട്ടുണ്ട്.
‘പ്രിയ’, ‘തുലാവർഷം’, ‘പിൻനിലാവ്’, ‘പാൽക്കടൽ’ തുടങ്ങിയ നിരവധി ശ്രദ്ധേയ ചിത്രങ്ങളുടെ കഥാകൃത്തും തിരക്കഥാകൃത്തുമായും അദ്ദേഹം ചലച്ചിത്രരംഗത്ത് വ്യക്തിമുദ്ര പതിപ്പിച്ചിട്ടുണ്ട്.
സാഹിത്യത്തിലും സിനിമയിലും നൽകിയ സമഗ്ര സംഭാവനകൾ പരിഗണിച്ചാണ് മാക്ടയുടെ വിശിഷ്ടാംഗത്വം നൽകി സി. രാധാകൃഷ്ണനെ ആദരിക്കുന്നതെന്ന് ഭാരവാഹികൾ അറിയിച്ചു.
Tags
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.