മുന്‍ മുഖ്യമന്ത്രി പിണറായി വിജയന്റെ മകൾ വീണാ വിജയൻ ഉൾപ്പെട്ട മാസപ്പടിക്കേസിലെ അന്വേഷണം രാഷ്ട്രീയ പ്രേരിതമാണെന്ന സി.പി.എം വാദത്തെ പരോക്ഷമായി തള്ളി സി.പി.ഐ സംസ്ഥാന സെക്രട്ടറി ബിനോയ് വിശ്വം. രാഷ്ട്രീയവും ബിസിനസും രണ്ടും രണ്ടായ കാര്യങ്ങളാണെന്ന് വ്യക്തമാക്കിയ അദ്ദേഹം, കേസിലെ വിജിലൻസ് അന്വേഷണം രാഷ്ട്രീയ വൈരാഗ്യം മൂലമാണെന്ന സി.പി.എം നിലപാടിനെ പിന്തുണയ്ക്കാൻ തയ്യാറായില്ല.
മാസപ്പടിക്കേസുമായി ബന്ധപ്പെട്ട് ഉയർന്ന വിവാദങ്ങളിൽ സി.പി.ഐക്ക് യാതൊരുവിധ താത്പര്യവുമില്ലെന്ന് അദ്ദേഹം തുറന്നടിച്ചു. ഈ കേസിൽ സി.പി.ഐ ഒരു കക്ഷിയല്ലെന്ന് വ്യക്തമാക്കിയ ബിനോയ് വിശ്വം, വിഷയത്തിൽ പാർട്ടിക്ക് പ്രത്യേക നിലപാടുകളോ താല്പര്യങ്ങളോ ഇല്ലെന്നും മാധ്യമങ്ങളോട് പ്രതികരിച്ചു.
