വയനാട്: മുണ്ടക്കൈ-ചൂരല്‍മല പുനരധിവാസ പദ്ധതിക്കായി മുസ്ലിംലീഗ് കണ്ടെത്തിയ സ്ഥലം നിയമക്കുരുക്കുകളില്ലാത്തതും നിര്‍മ്മാണത്തിന് ഏറ്റവും അനുയോജ്യമായതാണെന്നും പാര്‍ട്ടി ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി.
‘പറഞ്ഞുകേള്‍ക്കുന്നതുപോലെ നിയമപരമായ തടസ്സങ്ങളൊന്നും ഭൂമിക്കില്ല. ഏറ്റവും മികച്ച സ്ഥലമാണ് ഞങ്ങള്‍ കണ്ടെത്തിയിട്ടുള്ളത്. വയനാട്ടില്‍ ഈ തരത്തിലുള്ള ഭൂമി മാത്രമേയുള്ളൂ,’ കുഞ്ഞാലിക്കുട്ടി പറഞ്ഞു. വില അല്പം കൂടുതലാണെങ്കിലും അത് പ്രശ്‌നമല്ലെന്നും, ആര് വിചാരിച്ചാലും പദ്ധതി തടസ്സപ്പെടുത്താന്‍ കഴിയില്ലെന്നും അദ്ദേഹം കൂട്ടിച്ചേര്‍ത്തു. നിശ്ചിത സമയപരിധിക്കുള്ളില്‍ വീടുകളുടെ നിര്‍മ്മാണം പൂര്‍ത്തിയാക്കുമെന്നും അദ്ദേഹം വ്യക്തമാക്കി.
