വയനാട് : പ്രിയങ്ക ഗാന്ധി എം.പി. ഇന്ന് വയനാട്ടില്‍ എത്തും. രാവിലെ പതിനൊന്ന് മണിയോടെ കണ്ണൂര്‍ അന്താരാഷ്ട്ര വിമാനത്താവളത്തിലെത്തുന്ന പ്രിയങ്ക റോഡ് മാര്‍ഗം മാനന്തവാടിയില്‍ പഞ്ചാരക്കൊല്ലിയില്‍ കടുവാ ആക്രമണത്തില്‍ കൊല്ലപ്പെട്ട രാധയുടെ വീട് സന്ദര്‍ശിക്കും.തുടര്‍ന്ന് ഉച്ചയ്ക്ക് ശേഷം ഒന്നേ മുക്കാലോടെ അന്തരിച്ച ഡി.സി.സി. ട്രഷറര്‍ എന്‍.എം. വിജയന്റെ വീട്ടില്‍ കുടുംബാംഗങ്ങളെ കാണും. തുടര്‍ന്ന് കല്‍പ്പറ്റയില്‍ കലക്ടറേറ്റില്‍ നടക്കുന്ന ഉന്നത ഉദ്യോഗസ്ഥരുടെ യോഗത്തില്‍ പ്രിയങ്ക പങ്കെടുക്കും. ശേഷം പ്രതിപക്ഷ നേതാവ് വി. ഡി. സതീശന്‍ നയിക്കുന്ന യു.ഡി. എഫ്. മലയോര ജാഥയില്‍, മേപ്പാടിയില്‍ നടക്കുന്ന പൊതുയോഗത്തില്‍ പങ്കെടുക്കും.
