മുഖ്യമന്ത്രി വി.ഡി. സതീശന്റെ പേരുപയോഗിച്ച് ഇൻസ്റ്റഗ്രാം വഴി പുതിയ സൈബർ തട്ടിപ്പ്. ധൻ ധൻ യോജന എന്ന പേരിൽ ഇൻഷുറൻസ് ക്ലെയിം വാഗ്ദാനം ചെയ്താണ് വടക്കേക്കര സ്വദേശിയായ ഡെയിൻ ഫ്രാൻസിൽ നിന്ന് 2,499 രൂപ തട്ടിയെടുത്തത്. കുടുംബത്തിലെ ഓരോ അംഗത്തിനും 5,000 രൂപ വീതം ക്ലെയിം ലഭിക്കുമെന്ന് വിശ്വസിപ്പിച്ചായിരുന്നു പണം തട്ടിയത്.
സംഭവത്തെക്കുറിച്ച് പരാതി ഉയർന്നതിനെ തുടർന്ന് ആലുവ സൈബർ പോലീസ് കേസ് രജിസ്റ്റർ ചെയ്തു. വ്യാജ പ്രചാരണത്തിന് പിന്നിലുള്ളവരെയും പണം തട്ടിയ അക്കൗണ്ടുകളെയും കേന്ദ്രീകരിച്ച് സൈബർ പോലീസ് അന്വേഷണം ഊർജ്ജിതമാക്കിയിട്ടുണ്ട്.
