പി.എം.ശ്രീ പദ്ധതി 'പൊളിറ്റിക്കല് നെക്സസ്'; സര്ക്കാരിന് രൂക്ഷവിമര്ശനവുമായി ഷാഫി പറമ്പില് എം.പി
Jaihind TV News Report
Jaihind TV Web Desk
November 02, 2025
1 min read
•
Updated: June 09, 2026
കേന്ദ്ര സര്ക്കാരിന്റെ പി.എം. ശ്രീ പദ്ധതിയില് ഒപ്പുവെച്ചത് ചര്ച്ച ചെയ്യാതെയാണെന്ന സി.പി.എമ്മിന്റെ തുറന്നുപറച്ചില് പച്ചക്കള്ളമാണെന്ന് ആരോപിച്ച് ഷാഫി പറമ്പില് എം.പി രംഗത്തെത്തി. പദ്ധതിയില് ഒപ്പുവെക്കുന്നതിനു മുന്പ് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിയുമായും ആഭ്യന്തര മന്ത്രി അമിത് ഷായുമായും ചര്ച്ചകള് നടത്തിയിട്ടുണ്ടെന്ന് ഷാഫി പറമ്പില് ആരോപിച്ചു. പതിനാറാം തീയതി ഒപ്പിട്ട ഈ വിഷയത്തെക്കുറിച്ച് സി.പി.എം. മൗനം പാലിച്ചതിനു പിന്നില് എട്ടിനും ഒന്പതിനും ഡല്ഹിയില് നടന്ന കൂടിക്കാഴ്ചകളാണ് കാരണമെന്നും, 'ചര്ച്ച ചെയ്യേണ്ടവരുമായി ചര്ച്ച നടന്നിട്ടുണ്ട്' എന്നും അദ്ദേഹം കൂട്ടിച്ചേര്ത്തു.
പി.എം. ശ്രീ പദ്ധതിയില് ഒപ്പിട്ടത് വെറും ഫണ്ടിനുവേണ്ടി മാത്രമല്ല, ഇതൊരു 'പൊളിറ്റിക്കല് നെക്സസ്' ആണെന്നും ഷാഫി പറമ്പില് ആരോപിച്ചു. അതുകൂടാതെ, സംസ്ഥാന സര്ക്കാര് അടുത്തിടെ നടത്തിയ അതിദാരിദ്ര്യ മുക്ത പ്രഖ്യാപനം യാഥാര്ത്ഥ്യം മറച്ചുവെച്ചുകൊണ്ടുള്ള പരസ്യപ്രഖ്യാപനം മാത്രമാണെന്നും അദ്ദേഹം അഭിപ്രായപ്പെട്ടു. ചര്ച്ചയില്ലാതെ ഒപ്പിട്ടെന്ന സി.പി.എം. പ്രതികരണത്തോടുള്ള ശക്തമായ രാഷ്ട്രീയ മറുപടിയാണ് ഷാഫി പറമ്പില് നല്കിയത്.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10