ശിവശങ്കറിനെ പിണറായിക്ക് ഭയം; എല്ലാം വെളിപ്പെടുത്തിയാല് പൊള്ളലേല്ക്കുന്നത് മുഖ്യമന്ത്രിക്കായിരിക്കും: പ്രതിപക്ഷ നേതാവ്
Jaihind TV News Report
Jaihind TV Web Desk
February 10, 2022
1 min read
•
Updated: June 10, 2026
തിരുവനന്തപുരം : മുഖ്യമന്ത്രിക്ക് ശിവശങ്കറിനെ ഭയമെന്ന് പ്രതിപക്ഷ നേതാവ് വി.ഡി സതീശന്. ഭയമുള്ളതുകൊണ്ടാണ് മുഖ്യന്ത്രി ശിവശങ്കറിനെ ന്യായീകരിക്കുകയും പിന്തുണയ്ക്കുകയും ചെയ്യുന്നത്. സ്വര്ണ്ണക്കടത്തിന്റേയും സാമ്പത്തിക അഴിമതിയുടേയും സാമൂഹ്യ വിരുദ്ധ പ്രവര്ത്തങ്ങളുടേയും കേന്ദ്രമായിരുന്നു മുഖ്യമന്ത്രിയുടെ ഓഫീസ്. അതിന് നേതൃത്വം കൊടുത്തയാളെയാണ് മുഖ്യമന്ത്രി വീണ്ടും വീണ്ടും ന്യായീകരിക്കുന്നതെന്നും പ്രതിപക്ഷ നേതാവ് പറഞ്ഞു.
സ്വര്ണ്ണക്കടത്ത് കേസില് പ്രതിയായി ജയിലില് കിടന്നയാളാണ് എം ശിവശങ്കര്. ഇയാള്ക്കെതിരെയാണ് കൂട്ടുപ്രതി വെളിപ്പെടുത്തല് നടത്തിയത്. എന്നിട്ടും ശിവശങ്കറിനെ പിന്തുണയ്ക്കുന്നുവെങ്കില് മുഖ്യമന്ത്രിക്ക് ഭയക്കാന് ഒരുപാട് കാര്യങ്ങളുണ്ടെന്ന് വ്യക്തമാണെന്ന് വി.ഡി സതീശന് പറഞ്ഞു.
പുസ്തകം എഴുതാന് ശിവശങ്കറിന് സര്ക്കാര് അനുമതി നല്കിയിരുന്നോ എന്ന് മുഖ്യമന്ത്രി വ്യക്തമാക്കണം. പുസ്തകത്തിലെ വെളിപ്പെടുത്തലുകളില് പൊള്ളലേറ്റവര്ക്ക് പ്രത്യേക തരം പക ഉണ്ടാകുമെന്നാണ് മുഖ്യമന്ത്രി പറയുന്നത്. അറിയാവുന്ന കാര്യങ്ങളെല്ലാം ശിവശങ്കര് വെളിപ്പെടുത്തിയാല് പൊള്ളലേക്കുന്നത് മുഖ്യമന്ത്രിക്കായിരിക്കും. ഈ ഭയമാണ് ശിവശങ്കറിനെ അന്ധമായി പിന്തുണയ്ക്കാന് മുഖ്യമന്ത്രിയെ പ്രേരിപ്പിക്കുന്നതെന്നും പ്രതിപക്ഷ നേതാവ് പറഞ്ഞു.
MOST POPULAR
LIVE
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.
IN THIS SECTION
Related Articles
15
Latest Updates
10
Editor's Picks
8
Trending Articles
10