തിരുവനന്തപുരം: മലയാളികളുടെ ആകാംക്ഷയ്ക്ക് വിരാമമിട്ട് ഈ വര്ഷത്തെ ഓണം ബമ്പര് ഭാഗ്യക്കുറിയുടെ നറുക്കെടുപ്പ് ഇന്ന് നടക്കും. ചരിത്രത്തിലാദ്യമായി 30 കോടി രൂപ ഒന്നാം സമ്മാനം നല്കുന്ന ബമ്പറിന്റെ അച്ചടിച്ച 90 ലക്ഷം ടിക്കറ്റുകളും പൂര്ണ്ണമായി വിറ്റഴിഞ്ഞു. സംസ്ഥാന ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയര്ന്ന ടിക്കറ്റ് വില്പ്പനയ്ക്കാണ് ഈ വര്ഷം കേരളം സാക്ഷ്യം വഹിച്ചത്.
ഉച്ചയ്ക്ക് 1:30-ന് തിരുവനന്തപുരം ഗോര്ഖി ഭവനില് വെച്ച് മന്ത്രി കെ. മുരളീധരന് നറുക്കെടുപ്പ് ഉദ്ഘാടനം ചെയ്യും. നറുക്കെടുപ്പ് ചടങ്ങിനോടനുബന്ധിച്ച് ഈ വര്ഷത്തെ പൂജാ ബമ്പര് ടിക്കറ്റിന്റെ ഔദ്യോഗിക പ്രകാശനവും നിര്വ്വഹിക്കും. സംസ്ഥാനത്തൊട്ടാകെ വന് ടിക്കറ്റ് വില്പ്പന നടന്നപ്പോള് ഏറ്റവും കൂടുതല് ബമ്പര് ടിക്കറ്റുകള് വിറ്റുപോയത് പാലക്കാട് ജില്ലയിലാണ്. 20,95,300 ടിക്കറ്റുകളാണ് പാലക്കാട് മാത്രം വിറ്റഴിഞ്ഞത്. 10,62,000 ടിക്കറ്റുകളുമായി തൃശ്ശൂര് രണ്ടാം സ്ഥാനത്തും, 8,64,100 ടിക്കറ്റുകള് വിറ്റ തിരുവനന്തപുരം മൂന്നാം സ്ഥാനത്തുമുണ്ട്. 2,71,400 ടിക്കറ്റുകള് വിറ്റഴിഞ്ഞ കാസര്കോട് ജില്ലയിലാണ് ഏറ്റവും കുറഞ്ഞ വില്പ്പന രേഖപ്പെടുത്തിയത്.
വില്പ്പനയില് റെക്കോഡിട്ട് ഓണം ബമ്പര്; 30 കോടിയുടെ ഭാഗ്യവാനെ ഇന്നറിയാം
Jaihind TV News Report
Jaihind TV Web Desk
2 min read
101 reads
